તા.16થી ઈન્ડોર સ્પોર્ટ્સ કોમ્પલેક્સ શરૂ

તા.5 ઓનલાઈન મેમ્બરશિપ રજિસ્ટ્રેશન
ખાસ-ખબર ન્યૂઝ રાજકોટ

રાજકોટ મહાનગરપાલિકા દ્વારા વોર્ડ નં. 12માં મવડી-પાળ રોડ, રામધણ આશ્રમની પાસે, મવડી ખાતે રૂા. 23.16 કરોડના ખર્ચે 11831.00 ચો.મી. ક્ષેત્રફળના પ્લોટમાંં નવું ઈન્ડોર સ્ટેડિયમ બનાવવામાં આવેલું છે. આ નવા ઈન્ડોર સ્ટેડિયમમાં પ્રથમ તબક્કામાં કુલ 4 સ્પોર્ટ્સ ફેસીલીટી આગામી તા. 16થી શહેરીજનો માટે શરૂ કરવામાં આવે છે જેના માટે ઓનલાઈન મેમ્બરશીપ તા. 5-5-2025ના રોજથી ૂૂૂ.ળિભ.લજ્ઞદ.શક્ષ પર જઈને રજિસ્ટ્રેશન કરાવી શકાશે.

આ નવનિર્મિત સ્ટેડિયમ પ્રથમ અને બીજા તબક્કામાં શરૂ કરવામાં આવશે. ઈન્ડોર સ્ટેડિયમ સ્પોર્ટ્સ ફેસિલીટી ઉપલબ્ધ છે, જેમાં લોન ટેનિસ પ્રથમ તબક્કામાં શરૂ, બાસ્કેટ બોલ પ્રથમ તબક્કામાં શરૂ, વોલીબોલ પ્રથમ તબક્કામાં શરૂ, બેડમિન્ટન પ્રથમ તબક્કામાં શરૂ કરવામાં આવશે. જ્યારે કબડ્ડી, યોગ, જીમ, શૂટિંગ (10 મી. રેન્જ), આર્ચરી, સ્કવોશ, ટેબલ ટેનિસ બીજા તબક્કામાં શરૂ કરવામાં આવશે. ઈન્ડોર સ્ટેડિયમ ખાતે સ્પોર્ટ્સ ફેસિલીટી પ્રમાણે મેમ્બરશીપ ફી નિયત કરવામાં આવેલી છે. લોન ટેનિસ, વોલીબોલ, બાસ્કેટ બોલ અને બેડમિન્ટન બેચ માટેનો સમય સવારે 9થી 10 અને સાંજે 6થી 10 રહેશે તેમજ તમામ બેચ 1 કલાકની રહેશે. અઠવાડિયાના રવિવારે જાહેર રજા રાખવામાં આવશે.