રાજકોટ – ગુજરાતના યુવાધનને યોગ તથા શારીરિક રીતે સશક્ત બનાવવા અને કોરોના (કોવિડ-૧૯)ની મહામારીના વિષમ સંજોગોમાં સોશ્યલ મીડીયા તથા વીડીયો ગેઇમ્સ જેવી પ્રવૃતિઓમાં અત્યંત કીમતી સમય વેડફતા યુવાધનને રમતગમતની પ્રવૃત્તિઓ તરફ આકર્ષિત કરવા અને યુવાધનનો શારીરિક અને માનસિક વિકાસ ઉત્તમ રીતે કરવાના હેતુથી રાજયસરકાર એ ‘‘મોબાઇલ ટૂ સ્પોટ્રર્સ’’ યોજના અમલમાં મુકી છે, જે અન્વયે ફેસબુક પેજ, યુ ટ્યુબ ચેનલ, રેડિયો Quiz, ટેલિવિઝન તેમજ સોશિયલ મીડિયા સંબંધિત માધ્યમો દ્વારા ખ્યાતનામ ખેલાડીઓની વિગતો, ઓડિયો/ વિડિયો ક્લીપ રજૂ કરી યુવાનોને રમતગમતની પ્રવૃત્તિઓ માટે પ્રેરણાસહ આકર્ષિત કરવામાં આવશે. રમતગમત, યુવા અને સાંસ્કૃતિક પ્રવૃત્તિઓ વિભાગ હસ્તકની કમિશ્નર , યુવક સેવા અને સાંસ્કૃતિક પ્રવૃતિઓ, ગાંધીનગર તથા જિલ્લા યુવા વિકાસ અધિકારીની કચેરીઓ દ્વારા સંયુકત રીતે વાદન (વાંસળી, તબલા, હાર્મોનિયમ) સ્પર્ધાનું આયોજન કરેલ છે.
જેમાં ૬ થી ૧૪ વર્ષ સુધીના, ૧૫ થી ૨૦ વર્ષ સુધીના, ૨૧ થી ૫૯ વર્ષ સુધીના તેમજ ૬૦ વર્ષથી ઉપરના ઓપન વયજુથમાં ભાગ લઇ શકશે. આ સ્પર્ધામાં ભાગ લેવા ઇચ્છતા ઉમેદવારોએ નિયત નમૂનાનું ફોર્મ ભરી, સ્પર્ધામાં મોકલવા માટેની વિડિયો ક્લિપની સી.ડી. તૈયાર કરી તા.૧૮/૦૯/૨૦૨૧ બપોરે ૧૨:૦૦ કલાક સુધીમાં જિલ્લા રમતગમત અધિકારીની કચેરી, રાજકોટ-ગ્રામ્ય, ૫/૫ બહુમાળી ભવન, રેસકોર્ષ રોડ, રાજકોટ ખાતે મોકલવાની રહેશે.
- Advertisement -
જિલ્લા કક્ષાની સ્પર્ધામાં પ્રથમ વિજેતાને રૂ.૧,૦૦૦/- દ્વિતીય વિજેતાને રૂ.૭૫૦/- તેમજ તૃતીય વિજેતા રૂ.૫૦૦/- ઇનામ આપવામાં આવશે.
રાજ્યકક્ષાની સ્પર્ધા માટે ૧૦ વિજેતા કલાકારોની પસંદગી થશે, જે પૈકી પ્રથમ વિજેતાને રૂ.૨૫,૦૦૦/- દ્વિતીય વિજેતાને રૂ.૧૫,૦૦૦/- તૃતીય વિજેતાને રૂ.૧૦,૦૦૦/- એમ ત્રણ ઇનામો અને બાકીના અન્ય સાત વિજેતાઓને રૂ.૫,૦૦૦/- (પ્રત્યેકને) મુજબ આશ્વાસન ઇનામ આપવામાં આવશે.
આ અંગેની વધુ માહિતી ‘‘મોબાઇલ ટૂ સ્પોર્ટસ’’ યોજના અંતર્ગત ફેસબુક પેજ https://www.facebook.com/mobile2sports અને યુ ટયુબ લીંક http://www.yotube.com/channel/UCzsjROvtHpN4rk_ensUaz-g પરથી મળી શકશે. તેમ (ડી.જે.વાધેલા) જિલ્લા યુવા વિકાસ અધિકારી રાજકોટ જિલ્લાની યાદીમાં જણાવાયું છે.
