અમેરિકાના પૂર્વ રાષ્ટ્રપતિ જીમી કાર્ટરનું 100 વર્ષની વયે અવસાન, 4 વર્ષ માટે યુએસના રાષ્ટ્રપતિ તરીકે સેવા આપી હતી

જ્યોર્જિયાના ગવર્નર પણ રહી ચુક્યા

જીમી કાર્ટરનો જન્મ જ્યોર્જિયાના પ્લેન્સમાં થયો હતો. તેઓ તેમની સાદગી અને જનસેવા પ્રત્યેના સમર્પણ અને રાષ્ટ્રપતિ પદ સુધી પહોંચ્યા હતા. રાષ્ટ્રપતિ બનતા પહેલા તેઓ જ્યોર્જિયાના ગવર્નર પણ રહી ચુક્યા છે. કાર્ટર 1976માં બહારના ઉમેદવાર તરીકે પ્રમુખપદ માટે ચૂંટણી લડ્યા હતા. ત્યારપછી તેમણે એક નિવેદન આપ્યું હતું જેમાં તેમણે કહ્યું હતું કે, જો હું તમારી સાથે જૂઠું બોલું કે ભ્રામક નિવેદન આપું તો મને વોટ ન આપો. ત્યારે કાર્ટરે પારદર્શક અને જાહેર ચૂંટણી અભિયાન ચલાવ્યું હતું, જેની મદદથી તે તત્કાલિન રાષ્ટ્રપતિ ગેરાલ્ડ ફોર્ડને નાના અંતરથી હરાવવામાં સફળ રહ્યા હતા.

જીમી કાર્ટરનું રાષ્ટ્રપતિ કાર્યકાળ પડકારો અને સિદ્ધિઓનું મિશ્રદાયી રહ્યું હતું. કાર્ટરનો પ્રભાવ તેમના પ્રમુખપદની બહાર પણ વિસ્તર્યો હતો. 1982માં તેમણે કાર્ટર સેન્ટરની સ્થાપના કરી હતી. આ પ્રયાસોએ તેમને માનવતાવાદી નેતા તરીકે વૈશ્વિક આદર મેળવ્યો હતો. એવું પણ કહેવાય છે કે, એક સમયે મગફળી ઉગાડતા હતા.