ગુજરાતની નામાંકીત બ્રાંડ ‘વન સેન્ટર’ના ડાયરેકટરો સામે ચેક રિટર્ન અન્વયે પાંચ ફરિયાદો દાખલ થતા તમામનાં સમન્સ ઈશ્યુ કરતી અદાલત

ખાસ-ખબર ન્યૂઝ રાજકોટ

‘વન સેન્ટર’ બ્રાન્ડના ઓથા હેઠળ જે.સી.આર. ફેશન રીટેઈલસ પ્રા.લી.ના ડાયરેકટરોનુ યોજનાબધ્ધનુ કૃત્ય છે – સુરેશ ફળહુ માત્ર સૌરાષ્ટ્ર જ નહી પરંતુ સમગ્ર ગુજરાતમાં ‘વન સેન્ટર’ બ્રાન્ડથી વીસથી પચ્ચીસ શોરૂમો ધરાવનાર જે.સી.આર. ફેશન રીટેઈલસ પ્રા.લી. ના ડાયરેકટરો (1) જયેશ સી.રાજદે (2) કેતન પ્રાણલાલ ઠકકર નાઓએ રૂા.1,02,36,000/- 2કમ ચુકવવા ઓર્બીટિ એમેનીટીઝ પા.લી. ની તરફેણમા ઈશ્યુ કરી આપેલ કુલ – 5 ચેકો રીટર્ન થતા જુદી જુદી કુલ – 5 ફરીયાદો દાખલ કરતા રાજકોટના મહે. એડી. ચીફ જયુડી. મેજી સાહેબે જે.સી.આર. ફેશન રીટેઈલ્સ પ્રા.લી. ના ડાયરેકટરોને અદાલતમાં હાજર થવા સમન્સ ઈસ્યુ કરતો હુકમ ફરમાવેલ છે.
કેસની હકીકત જોઈએ તો, ઓર્બીટ એમેનીટીઝ પ્રા.લી. ના ડાયરેકટર તેમજ ચંદ્રેશ નગર મેઈન રોડ ઉપર પાર્શ્વ હોસ્પીટલ ધરાવતા ડો. અંકીશ જયંતભાઈ શાહ ધ્વારા અમદાવાદમા ઘાટલોડીયા વિસ્તારમા કલાસાગર મોલમા ગ્રાઉન્ડ ફલોરમાં જે.સી.આર. ફેશન રીટેઈલ્સ પ્રા.લી. ના ડાયરેકટરો દરજજે જયેશ સી. રાજદે તથા કેતન પ્રાણલાલ ઠકકર વિરૂધ્ધ રાજકોટની અદાલતમા રૂા.20,00,000/- ની ચાર અને રૂા.22,36,000/- ની એક મળી કુલ-5 ચેકો રીર્ટન સબંધેની એ મતલબની ફરીયાદો દાખલ કરાવેલ કે આરોપી ‘વન સેન્ટર’ બાન્ડના નામે પુરા ગુજરાતમા 20 થી 25 શાખાઓ ધરાવતા હોય અને આ બ્રાન્ડેડ નામ હેઠળ કપડા સહીતની ચીજવસ્તુઓ રીટેઈલમા તથા ઓનલાઈન વેચાણ કરવાનો ધંધો કરતા હોય ફરીયાદી કંપની મીલકત ભાડે આપતા હોય આરોપીઓએ ફરીયાદીનો સંપર્ક કરતા આરોપીઓની બ્રાન્ડ અને ભાડાને અનુલક્ષીને આરોપીની બેંક તથા જી.એસ.આર.ટી.સી. સેન્ટ્રલ બસ પોર્ટ ના જવાબદાર વચ્ચે બેઠક કરી 7900 સ્કવેર ફુટ નો શોરૂમ ફરીયાદીએ ખરીદવાનુ નક્કી કરેલ અને ભાડાની રકમ સીધી લોનના હપ્તામાં જતી રહે તે રીતે નકકી કરવામા આવેલ જે સબંધે એગ્રીમેન્ટ થયેલ બાદ ઈન્ટીરીયર ડેવલોપ માટે તહોમતદારને નાણાની જરૂરીયાત પડતા ફરીયાદી કંપની પાસેથી રૂા.1,20,50,000/- બેંક ટુ બેંક લીધેલ જેમાથી રૂા.1,02,39,000/- રકમ પરત કરવા પાંચ ચેકો ઈશ્યુ કરી આપેલ અને રૂા.18,14,000/- નો ચેક ઈશ્યુ કરી આપશે તેવા વચન વિશ્વાસ અને ખાત્રી આપી ચેકો પાસ થઈ જશે પરત ફરશે નહી અને ફરીયાદી કંપનીનુ કાયદેસરનુ લેશુ પરત વસુલ મળી જશે તેવા આરોપીઓના વચન શબ્દોપર ભરોષો રાખી ફરીયાદીએ ડીપોઝીટ કરેલા ચેકો પાસ થયેલ નહી.

જે રીર્ટન થતા ડીમાન્ડ નોટીસો પાઠવવા છતા ફરીયાદી કંપનીને કાયદેસરનુ લેણુ પરત અદા ન કરી લેણુ ડુબાડવાનો બદ આશય ધારણ કરી આરોપીઓએ ધી નેગોશીયેબલ ઈન્સ્ટ્રુમેન્ટ એકટ અન્વયે ગંભીર પ્રકારનો ગુનો કરેલ હોવાથી આરોપીઓ વિરૂધ્ધ ચેકો રીટર્ન સબંધે અદાલતમાં કુલ ફરીયાદો દાખલ કરી રજુઆત કરવામાં આવેલ કે, રેકર્ડ પરની હકીકતો તેમજ રજુ રાખેલ દસ્તાવેજી પુરાવા ઉપર થી સ્પષ્ટ ફલિત થાય છે કે, આરોપીઓએ ફરીયાદી પાસેથી બેંક ટુ બેંક રકમ મેળવી તે રકમ પરત કરવા ચેકો આપી, તે પાસ થવા ન દઈ આરોપીઓએ ધી નેગોશીએબલ ઈન્સ્ટ્રુમેન્ટ એકટ હેઠળ ગંભીર પ્રકારનો ગુનો આચરેલ છે, જે રજુઆતો ધ્યાને લઈ આરોપીઓ જે.સી.આર. ફેશન રીટેઈલ્સ પ્રા.લી. તથા તેના ડાયરેકટરો (1) જયેશ સી. રાજદે (2) કેતન પ્રાણલાલ ઠકકર નાઓને કેસોમા અદાલતમાં હાજર થવા સમન્સ ઈસ્યુ કરતો હુકમ ફરમાવવામાં આવેલ. ઉપરોકત કામમાં ફરીયાદી ઓર્બીટ એમેનીટીઝ પ્રા.લી.ના ડાયરેક્ટર ડો. અંકીશ શાહ વતી રાજકોટના જાણીતા એડવોકેટ સુરેશ ફળદુ, ભુવનેશ શાહી, કુણાલ શાહી, ચેતન ચોવટીયા, 2ીપલ ગેવરીયા, પાર્થ સંઘાણી, મંથન વીરડીયા જય પીઠવા તથા મદદમા યુવરાજ વેકરીયા, નીરવ દોંગા, પ્રીન્સ રામાણી, આર્યન કોરાટ, ભાવીન ખુંટ, અભય સભાયા તથા જસ્મીન દુધાગરા રોકાયેલ હતા.