અફઘાનના 2 નાગરિકોનો સામેલ, હત્યા, બળાત્કાર, ડ્રગ્સની દાણચોરીના દોષિત હતા: 2009 પછી પહેલીવાર આટલી મોટી સંખ્યામાં ફાંસી આપી
ખાસ-ખબર ન્યૂઝ ઈરાન, તા.9
ઈરાનમાં બુધવારે 29 લોકોને ફાંસીની સજા સંભળાવવામાં આવી હતી. 26 લોકોને તેહરાનની બહાર ગેજલહસર જેલમાં અને બાકીના 3 લોકોને કરજ શહેરની જેલમાં ફાંસી આપવામાં આવી હતી. નોર્વેની એક માનવાધિકાર સંસ્થાએ આ દાવો કર્યો છે. ફાંસી આપવામાં આવેલા લોકોમાં અફઘાનના 2 નાગરિકો પણ સામેલ છે. તેમના પર હત્યા, ડ્રગ્સની હેરાફેરી અને બળાત્કારનો આરોપ હતો. યુએસની હ્યુમન રાઇટ્સ એક્ટિવિસ્ટ ન્યૂઝ એજન્સી અને સેન્ટર ફોર હ્યુમન રાઇટ્સ ઇન ઈરાન એ પણ ગેજલહસર જેલમાં ઓછામાં ઓછા બે ડઝન લોકોને ફાંસી આપવાની પુષ્ટિ કરી છે. ઈરાન સાથે જોડાયેલા માનવાધિકાર સંગઠન ઈંઇંછના ડાયરેક્ટર મહમૂદ અમીરી મોગદ્દમે કહ્યું કે આંતરરાષ્ટ્રીય સમુદાય આના પર વધારે ધ્યાન નથી આપી રહ્યું. આ કારણે ઈરાન સરકાર આવતા મહિનામાં સેંકડો લોકોને ફાંસી આપી શકે છે.
તેમણે એમ પણ કહ્યું કે 2009 પછી આ પહેલીવાર છે જ્યારે આટલી મોટી સંખ્યામાં લોકોને ફાંસી આપવામાં આવી રહી છે. રિપોર્ટ અનુસાર આ પહેલા મંગળવારે માનવાધિકાર જૂથોએ ઈરાનમાં એક વ્યક્તિને ફાંસી આપવાની ટીકા કરી હતી. આ માણસને રિવોલ્યુશનરી ગાર્ડની હત્યા માટે દોષિત ઠેરવવામાં આવ્યો હતો. કાર્યકર્તાઓનું કહેવું છે કે તેને ટોર્ચર કરીને કબૂલાત કરવાની ફરજ પડી હતી. મૃત્યુદંડની સજા પામેલા વ્યક્તિનું નામ ગેલમરેઝા રસાઈ છે. મહસા અમીનીના મૃત્યુ બાદ ઈરાનમાં શરૂ થયેલા વિરોધ પ્રદર્શન સાથે સંકળાયેલા તે દસમા વ્યક્તિ છે,
- Advertisement -
જેને ફાંસી આપવામાં આવી છે કુર્દિશ સમુદાયની 22 વર્ષીય મહસા અમીનીની 13 સપ્ટેમ્બર 2022ના રોજ તેહરાનમાં ધરપકડ કરવામાં આવી હતી. ખરેખરમાં તેણે હિજાબ પહેર્યો ન હતો. ધરપકડના 3 દિવસ પછી એટલે કે 16 સપ્ટેમ્બરે તેનું મોત થયું.
આ પછી મામલો ચર્ચામાં આવ્યો હતો. એમ્નેસ્ટી અનુસાર, વર્ષ 2023માં ચીન, ઈરાન, સાઉદી અરેબિયા, સોમાલિયા અને અમેરિકામાં સૌથી વધુ લોકોને મૃત્યુદંડની સજા આપવામાં આવી હતી. તેમાંથી ઈરાનમાં સૌથી વધુ 853 લોકોને અને 172 લોકોને સાઉદી અરેબિયામાં મૃત્યુદંડની સજા આપવામાં આવી હતી.
