અમેરિકામાં સૌપ્રથમ વખત ટકકર : પાકિસ્તાન દબાણમાં: રવિવારે ન્યુયોર્કમાં વરસાદની આગાહી : વિશ્વ કપના ભુતકાળના તમામ રેકોર્ડ ભારતની તરફેણમાં: જબરો રોમાંચ
ટી-20 વર્લ્ડ કપમાં આવતીકાલ રવિવારે સૌથી મોટો મુકાબલો છે. તા. 9ના ભારતીય સમય પ્રમાણે સાંજે ન્યુયોર્કમાં બંને ટીમ વર્લ્ડ કપમાં આઠમી વખત ટકરાશે. અત્યાર સુધીના 7 મુકાબલામાં 6 વખત ભારત અને એક વખત પાકિસ્તાનનો વિજય થયો છે. વર્લ્ડ કપમાં ભારત-પાકિસ્તાન વચ્ચે કાયમ જોરદાર મુકાબલા થયા છે. 2022માં રમાયેલો મેચ હાઇ વોલ્ટેજ બની ગયો હતો. હવે પહેલી વખત અમેરિકામાં આ બંને ટીમ વચ્ચે ટકકર થઇ રહી છે. આ મેચ માટે અમેરિકામાં પણ જોરદાર રોમાંચ જોવા મળી રહ્યો છે.
- Advertisement -
2016માં ટી-20 વર્લ્ડ કપમાં ભારતે ઇડન ગાર્ડન સામે મેચ રમ્યો હતો. વરસાદ વચ્ચે પાકિસ્તાન 18 ઓવરમાં પાંચ વિકેટે 118 રન કરી શકયું હતું. ભારતનો સ્કોર 23 રન પર 3 વિકેટ હતો. આ બાદ વિરાટ કોહલીએ 37 બોલમાં 55 રન કરીને ભારતને વિજય અપાવ્યો હતો. તો 2021 ટી-20 વર્લ્ડ કપમાં ભારતે એક માત્ર મેચ ગુમાવ્યો હતો. ભારત માત્ર 151 રન બનાવી શકયો હતું. જે મેચ પાકિસ્તાન જીતી ગયું હતું.
આ સિવાય વર્લ્ડ કપમાં ભારતનું પ્રદર્શન કાયમ શ્રેષ્ઠ જ નોંધાયું છે. ટી-20 વર્લ્ડકપ 2024માં 9 જૂનના રોજ ભારત અને પાકિસ્તાનની ટીમ આમને-સામને હશે. આ મેચને જોવા માટે ચાહકો આતુર છે. ટી20 વર્લ્ડકપ 2024ની મેજબાની વેસ્ટઈન્ડિઝ અને અમેરિકા કરી રહ્યું છે. ભારતીય સમય અનુસાર આ મેચ કાલે સાંજે 8 કલાકે શરુ થશે. ભારતમાં ક્રિકેટ ચાહકો ટીવી પર સ્પોર્ટસ નેટવર્ક પર વર્લ્ડકપ મેચ લાઈવ જોઈ શકે છે. તેમજ મોબાઈલ અને ટેબલેટના યુઝર ડિઝ્ની હોસ્ટસ્ટાર એપ પર લાઈવ સ્ટ્રીમનો આનંદ લઈ શકે છે.
ભારત અને પાકિસ્તાનના મેચની આખી દુનિયા રાહ જોઈ રહી છે ત્યારે આ મેચ પર સંકટના વાદળો છવાયા છે. મેચને હજુ થોડો સમય બાકી છે, પરંતુ તે પહેલા ખરાબ સમાચાર સામે આવ્યા છે. જે દિવસે મેચ છે, તે દિવસે ન્યૂયોર્કમાં વરસાદની સંભાવના વ્યક્ત કરવામાં આવી છે. એવામાં મેચની જોવાના સપના જોતા ક્રિકેટ રસિયાઓની આશાઓ પર પાણી ફરી શકે છે. એક્યુ વેધરના રિપોર્ટનું માનીએ તો ન્યુયોર્કમાં 11 વાગ્યે એટલે કે ભારતીય સમય અનુસાર સાંજે સાડા આઠ વાગ્યે વરસાદની શક્યતા 51 ટકા છે. એટલે કે મેચ શરૂ થયાના આશરે અડધા કલાકમાં વરસાદ વરસી શકે છે. જ્યારે મોડી સાંજે પણ વરસાદની સંભાવના વ્યક્ત કરવામાં આવી રહી છે.
- Advertisement -
9 જૂને યોજાનાર આ મેચ ભારત અને પાકિસ્તાન માટે ખૂબ જ મહત્વની છે. ટીમ ઈન્ડિયાએ પોતાની પહેલી મેચમાં આયર્લેન્ડની ટીમને હરાવીને બે પોઇન્ટ મેળવી ચૂકી છે. જ્યારે પાકિસ્તાનને પહેલી મેચમાં યુએસએના હાથે હારનો સામનો કરવો પડ્યો છે.
ટીમ ઇન્ડિયા જ્યાં પાકિસ્તાનને હરાવીને જેમ બને તેમ જલ્દી સુપર 8માં પોતાનું સ્થાન પાકુ કરવા માંગશે, જ્યારે પાકિસ્તાનની ટીમ પોતાને ટૂર્નામેન્ટમાં જીવંત રાખવા માટે મેચ જીતવા માંગશે. ટૂંકમાં મેચ શાનદાર હશે, પરંતુ થશે કે નહીં તે કહેવું મુશ્કેલ છે.