યાર્ડમાં કેસર કેરીની ખરીદી-વેચાણ શરૂ કરવાનાં વેપારીનાં નિર્ણયથી ખેડૂતો ખુશ
ગત વર્ષે 63 દિવસ ચાલેલી સિઝનમાં 11,13,540 બોક્સ કેરીની થઈ હતી આવક
- Advertisement -
ખાસ-ખબર ન્યૂઝ તાલાલા, તા.24
તાલાલા પંથકના કેસર કેરીના ઉત્પાદક કિસાનો ઘર આંગણે જ કેસર કેરીનું વેચાણ કરી શકે માટે તા. 1લીમે ને બુધવારથી તાલાલા માર્કેટીંગ યાર્ડમાં ખુશ્બુદાર કેસર કેરીની હરાજીનાં શ્રી ગણેશ તાલાલા પંથકના કેસર કેરીના જથ્થાબંધ વેપારીઓ કમિશન એજન્ટોની બેઠક મળી હતી. જેમાં આગામી કેસર કેરીની સિઝન દરમિયાન કેરીનું વેચાણ કરવા આવતા ખેડૂતોને ઉપયોગી સારી સવલત મળે તેવાં નિર્ણયો આ બેઠક બેઠકમાં કરવામાં આવ્યા હતાં. તાલાલા માર્કેટીંગ યાર્ડમાં ગતત ન વર્ષે તા. 18મી એપ્રિલથી કેસર કેરીની સિઝનનો શુભારંભ થયો હતો, આ વર્ષે સિઝન 13 દિવસ મોડી શરૂ થઈ રહી છે. તાલાલા માર્કેટિંગ યાર્ડના પ્રમુખ સંજય શીંગાળાના જણાવ્યા પ્રમાણે ગત વર્ષે કેસર કેરીની સિઝન 63 દિવસ ચાલી હતી. આ દરમ્યાન દશ કિલો ગ્રામના 11 લાખ 13 હજાર 540 બોકસની આવક થઈ હતી.
તાલાલા પંથકમાં આ વર્ષે ઠંડી ઓછી પડવાને કારણે સંખ્યાબંધ બગીચાઓમાં બંધારણ થયું નહી ત્યારબાદ તૈયાર થયેલ પાકમાં મોટા પ્રમાણમાં કોરામણ આવતા તૈયાર પાક આંબા ઉપરથી મોટા જથ્થામાં આંબા ઉપરતી ખરી પડયો હતો તેમજ કેરીના પાકને અનુકૂળ વાતાવરણ મળ્યું નહીં જેને કારણે આ વર્ષે ગત વર્ષ કરતાં 50 ટકા પાક ઓછો થવાની ધારણા વ્યક્ત થઈ રહી છે. તાલાલા માર્કેટીંગ યાર્ડમાં ગત વર્ષે દશ કિલો ગ્રામના એક કેરીના બોકસનો સરેરાશ ભાવ 425 રહ્યો હતો. પરિણામે તાલાલા યાર્ડમાંથી કેસર કેરીના ઉત્પાદક કિસાનોને રૂા. 47 કરોડથી પણ વધુ આવક હતી. આ વર્ષે ઓછા પાકને કારણે ગત વર્ષ કરતાં કેરીના ભાવ ઉંચા રહેવાની ધારણા તજજ્ઞો દ્વારા વ્યક્ત થઈ રહી છે.
