વેસ્ટ ઈન્ડિઝ પ્રવાસ ઇંગ્લેન્ડ સાથે ગુરુવારે રમાયેલી છેલ્લી અને નિર્ણાયક મેચમાં પ્રવાસી ટીમને હારનો સામનો કરવો પડ્યો હતો. આ સાથે વેસ્ટ ઈન્ડિઝે 5 ટી-20 મેચની શ્રેણી 3-2થી જીતી લીધી છે. ત્રિનિદાદના બ્રાયન લારા સ્ટેડિયમમાં રમાયેલી નિર્ણાયક મેચમાં વેસ્ટ ઈન્ડિઝે શાઈ હોપના અણનમ 43 રનની મદદથી ઈંગ્લેન્ડને 4 વિકેટે હરાવ્યું હતું.
અગાઉ બંને ટીમો 2-2 મેચ જીતીને શ્રેણીમાં બરાબરી પર હતી. જ્યારે ફિલ સોલ્ટ પ્લેયર ઓફ ધ સિરીઝ રહ્યો હતો. તેણે સિરીઝમાં ઈંગ્લેન્ડ માટે 331 રન બનાવ્યા હતા. પ્રથમ બેટિંગ કરતા ઈંગ્લેન્ડની ટીમ માત્ર 132 રન બનાવી શકી હતી. બીજી તરફ કેરેબિયન ટીમે 133 રનનો ટાર્ગેટ 20મી ઓવરના બીજા બોલ પર 4 વિકેટ બાકી રહેતા હાંસલ કરી લીધો હતો.
- Advertisement -
ફિલ સોલ્ટ અને લિયામ લિવિંગસ્ટન સિવાય ઈંગ્લેન્ડ તરફથી કોઈ બેટ્સમેન 15 રનથી વધુ રન બનાવી શક્યો નહોતો. સોલ્ટે 38 અને લિવિંગસ્ટને 28 રન બનાવ્યા હતા. વેસ્ટ ઈન્ડિઝ માટે ગુણકેશ મોતીએ 4 ઓવરમાં 24 રન આપીને 3 વિકેટ ઝડપી હતી. જ્યારે આન્દ્રે રસેલે 4 ઓવરમાં 25 રન આપીને 2 અને અકીલ હુસૈને 4 ઓવરમાં 20 રન આપીને 2 વિકેટ ઝડપી હતી.
Good signs for the West Indies ahead of next year's #T20WorldCup as they defeat England to register a third straight T20I series triumph 🙌
Details ⬇️https://t.co/TL4z6qYetz
- Advertisement -
— ICC (@ICC) December 22, 2023
133 રનના આસાન લક્ષ્યનો પીછો કરવા આવેલી વેસ્ટ ઇન્ડિઝની ટીમની શરૂઆત સારી રહી ન હતી. વેસ્ટ ઈન્ડિઝને પહેલો ફટકો 20 રન પર લાગ્યો હતો. ઓપનર બ્રાન્ડન કિંગ 5 બોલમાં 3 રન બનાવીને રીસ ટોપલીના બોલ પર જોસ બટલરના હાથે કેચ આઉટ થતાં પેવેલિયન પરત ફર્યો હતો. અન્ય ઓપનર જોન્સન ચાર્લ્સ 22 બોલમાં 26 રન બનાવીને આઉટ થયો હતો.
વેસ્ટ ઈન્ડિઝને 54 રન પર ત્રીજો ઝટકો લાગ્યો હતો. વિકેટકીપર નિકોલસ પૂરન પણ 6 બોલમાં 10 રન બનાવીને આઉટ થયો હતો. ત્યાર બાદ સાઈ હોપે શેરફાન રધરફોર્ડ સાથે મળીને 38 બોલમાં 41 રનની ભાગીદારી કરી હતી. રધરફોર્ડે 24 બોલમાં 30 રન બનાવ્યા હતા. જ્યારે હોપે 43 બોલમાં 43 રનની ઇનિંગ રમી હતી.
