જાણીતા કલાકારનું ભજન સાંભળી વડાપ્રધાન મોદી થયા મંત્રમુગ્ધ: રામ ભજન શેર કરવાની અપીલ કરી

વડાપ્રધાન નરેન્દ્ર મોદી રામ મંદિરનું ઉદ્ઘાટન કરે તે પહેલા જ સોશિયલ મીડિયા પ્લેટફોર્મ પર એક ભજન શેર કરતી વખતે તેમણે કહ્યું કે, રામ લલાને આવકારવા માટે આ એક મંત્રમુગ્ધ કરનાર ભજન

અયોધ્યામાં રામ મંદિરના અભિષેકનો ભવ્ય કાર્યક્રમ 22 જાન્યુઆરીએ યોજાવા જઈ રહ્યો છે. જેને લઈ હાલ અયોધ્યામાં જોરશોરથી તૈયારીઓ ચાલી રહી છે. આ બધાની વચ્ચે રામ મંદિરને લઈને લોકોમાં ભારે ઉત્સાહ જોવા મળી રહ્યો છે. મહત્વનું છે કે, વડાપ્રધાન નરેન્દ્ર મોદી રામ મંદિરનું ઉદ્ઘાટન કરવાના છે. જોકે તે પહેલા વડાપ્રધાન મોદીએ સોશિયલ મીડિયા પ્લેટફોર્મ પર એક ભજન શેર કરતી વખતે તેમણે કહ્યું કે, રામ લલાને આવકારવા માટે આ એક મંત્રમુગ્ધ કરનાર ભજન છે.

વડાપ્રધાન નરેન્દ્ર મોદીએ આ ભજનની યુટ્યુબ લિંક શેર કરતી વખતે લખ્યું, શ્રી રામ લાલાના સ્વાગતમાં સ્વાતિ મિશ્રાજીનું આ ભક્તિમય ભજન મંત્રમુગ્ધ છે..” સ્વાતિ મિશ્રા બિહારના છાપરાની રહેવાસી છે. આ ભજન પહેલા છઠ્ઠી મૈયા વિશે ગાયેલા ગીતો સોશિયલ મીડિયા પર ખૂબ વાયરલ થયા હતા. તે જ સમયે તેમનું આ ભજન પણ ખૂબ વાયરલ થઈ રહ્યું છે અને ઘણી રીલ્સ પણ જોવા મળી રહી છે. સ્વાતિ મિશ્રા હાલમાં મુંબઈમાં છે અને સંગીત ક્ષેત્રે પોતાની ઓળખ બનાવી રહી છે. જો કે આ ભજન પહેલા તેમને આટલી પ્રસિદ્ધિ મળી ન હતી, પરંતુ તે વાયરલ થયા પછી વડાપ્રધાન મોદીએ પણ તેમનું ભજન શેર કરીને તેમને દિવસેને દિવસે પ્રખ્યાત કર્યા.

श्री राम लला के स्वागत में स्वाति मिश्रा जी का भक्ति से भरा यह भजन मंत्रमुग्ध करने वाला है…#ShriRamBhajanhttps://t.co/g2u1RhPpqO

— Narendra Modi (@narendramodi) January 3, 2024

- Advertisement -

પીએમ મોદીએ રામ ભજન શેર કરવાની અપીલ કરી
વાસ્તવમાં, રામ મંદિરના ઉદ્ઘાટન પહેલા વડાપ્રધાન મોદીએ રામ ભક્તોને શ્રી રામ ભજન ( #ShriRamBhajan) હેશટેગ સાથે સોશિયલ મીડિયા પર ભજન શેર કરવાની અપીલ કરી હતી. આ પછી તેમણે પોતે આ ભજન શેર કર્યું. મન કી બાત કાર્યક્રમમાં તેમણે કહ્યું હતું કે, મારા મનમાં એક વાત છે કે, આપણે બધા સાથે મળીને ભગવાન રામ સાથે જોડાયેલી તમામ રચનાઓને એક કોમન હેશ ટેગ સાથે શેર કેમ ન કરીએ. હું તમને બધાને #SHRIRAMBHAJAN સાથે ભજન, કવિતાઓ, ગદ્ય અને અન્ય રચનાઓ સોશિયલ મીડિયા પર શેર કરવા વિનંતી કરું છું.