ગુજરાત સ્ટેટ કો-ઓપરેટિવ માર્કેટિંગ ફેડરેશનના સ્ટોરનું વજુભાઈ વાળાના હસ્તે ઉદ્ઘાટન

ગુજકોમાસોલ આ બજાર ડેવલપ થયેથી સપ્લાયર ડેવલપમેન્ટ પ્રોગ્રામ દ્વારા ખેડૂતોને તેમાં જોડશે જેથી ફ્રેશ અને હેલ્ધી પ્રોડક્ટસ ગ્રાહકો માટે અને ખેડૂત પોતે જ સીધો સપ્લાય આપી શકશે

ગુજરાત સ્ટેટ કો-ઓપરેટિવ માર્કેટિંગ ફેડરેશન (ગુજકોમાસોલ) તેની સુપર માર્કેટ ચેઈન પીપીપી મોડેલથી લાગુ કરી ક્રમશ: 250 રિટેલ આઉટલેટ બનાવશે: દિલીપ સંઘાણી

ખાસ-ખબર ન્યૂઝ રાજકોટ, તા.,10
રાજકોટ રેસકોર્સ પાસે રઘુનંદન પાર્કમાં ગુજકોમાસોલ દ્વારા ભારતમાં પ્રથમ સહકારી સુપર માર્કેટ રિટેલ ચેઈનની શૃંખલામાં આખા ગુજરાતમાં 250 સુપર માર્કેટ સ્ટોર પૈકી રિટેલ સ્ટોરનું ઉદ્ઘાટન વજુભાઈ વાળાના વરદહસ્તે થયું હતું. આ પ્રસંગે પ્રેરક ઉપસ્થિતિ ધારાસભ્ય રમેશભાઈ ટીલાળા, ધારાસભ્ય દર્શિતાબેન શાહ, પૂર્વ કૃષિ મંત્રી ગોવિંદભાઈ પટેલ, ડો. માધવ દવે પ્રમુખ બીજેપી રાજકોટ, દિનેશભાઈ ચેરમેન રાજકોટ નાગરિક બેંક, નિકુંજભાઈ ધોળકીયા ચેરમેન વિજય કો.ઓપ. બેંક, મનીષભાઈ રાડીયા નેતા શાસક પક્ષ હાજર રહ્યા હતા.

ભારતની રિટેલ માર્કેટ સાઈઝ રૂપિયા 1.45 ટ્રિલિયન છે, જે 12થી 15%ના ગ્રોથ રેટથી વધી રહી છે અને જેમાં ઓર્ગેનાઈઝડ રિટેલ 12% જેટલું અને હજુ પણ અન-ઓર્ગેનાઈઝડ રિટેલ 88% જેટલું છે. ભારતમાં ઈ-કોમર્સ બજાર 2.77 લાખ કરોડ છે. હાલ લગભગ 20% પોપ્યુલેશન ઓનલાઈન ખરીદી કરે છે અને આ બજાર પણ 21%ના ગ્રોથથી વધી રહ્યું છે જે બતાવે છે કે ભારતના લોકોની ખરીદ શક્તિમાં 14થી 15%નો એવરેજ વધારો થયો છે. હાલ ભારત માર્કેટમાં 8500 કરતાં વધુ રિટેલ ચેનલો કાર્યરત છે અને તેમાં સતત નવા પ્લેયર્સ લોકલ ફંડીંગ અને ફોરેન ફંડીંગ સાથે પ્રવેશ કરી રહ્યા છે. જેમાં બિઝનેશ ટુ બિઝનેશ માર્કેટ 15% દરથી વધી રહ્યું છે.

આપણે સ્મોલ અને મિડલ લેવલની નાની કંપનીઓ ડાયરેકટ ગ્રાહકને પણ સપ્લાય કરી રહી છે અને આ બજાર પણ 1.2 લાખ કરોડથી 25%ના ગ્રોથ રેટ સાથે આગળ વધી રહ્યું છે. ગ્રાહકની અપેક્ષાઓ સતત વધી રહી છે જેથી ક્વીક કોમર્સનું નિર્માણ થયું છે જેમાં તમને જરૂરી એસેન્સિયલ વસ્તુઓ 10થી 15 મિનિટમાં ઘરે કે ઓફિસે મળી જાય છે. આ માર્કેટ પણ હાલ 2500 કરોડનું થવા જાય છે અને તે 25%ના ગ્રોથથી વધી રહ્યું છે.

‘ગુજકો માર્ટ’ના ઉદ્દેશ્ય અને કામગીરી: હાલના રિટેલના સ્પર્ધાત્મક વાતાવરણમાં સહકારી રિટેલ ચેઈન એ ખેડૂતોના એગ્રીકલ્ચર પ્રોડ્યુસના ભાવની સાત્યતા જળવાય તથા કાયમી રીતે બજારમાં ખેત ઉત્પાદનોમાં ભાવ જળવાય તે માટેની શરૂઆત કરવા ‘ગુજકો માર્ટ’ ખૂબ પ્રોફેશનલ રીતે મેનેજ થાય તે માટે આ સ્ટ્રકચર ઉભું કરવા જઈ રહ્યા છે. ખેત ઉત્પાદનો સહકારી માળખા અંતર્ગત થાય છે પણ તેનું માર્કેટિંગ એ દેશની મોટી રિટેલ કંપનીઓ દ્વારા થાય છે જે કારણે ખેત ઉત્પાદનોના ભાવ આડકતરી રીતે પ્રાઈવેટ પ્લેયર્સ જ નક્કી કરે છે જે આગળ જતાં ખેડૂતોના હિતમાં નહીં રહે પરંતુ બજાર ભાવ નક્કી કરવામાં આપણો પણ હિસ્સો રહે તેવા ઉમદા હેતુથી તથા બજારમાં ભાવનો કંટ્રોલ રહે ઉપરાંત ગ્રાહકોને આવનાર દિવસોમાં ફ્રેશ ખેત ઉત્પાદનો ઉપરાંત ‘રેડી ટુ ઈટ’ અને ‘રેડી ટુ કૂક’ પ્રોડકટસ હેલ્થ માટે સારા હોય તેવા પ્રોડકટસ બને તે ધ્યાનમાં લીધેલું છે.

આ માટે માર્કેટિંગના જુદા જુદા સ્ટ્રકચર બનાવી પ્રોફેશનલ્સ દ્વારા સુપર માર્કેટ રિટેલ ચેઈન સહકારી ધોરણે ભારતમાં પહેલીવાર બનશે. મોટાભાગની કંપનીઓ ટ્રેડિશનલ માર્કેટિંગ કરતાં હોય છે જેમાં સ્ટોકિસ્ટ, હોલસેલ ડીસ્ટ્રીબ્યુટર, રિટેલર અને ગ્રાહક હોય છે. આપણે પહેલીવાર ઘણી બધી ખેત પેદાશોને એક સાથે ‘ડાયરેકટ ટુ ક્ધઝ્યુમર’ આપણી માર્કેટ રિટેલ ચેઈન દ્વારા અને ઓનલાઈન એપ્સ દ્વારા જોડીશું. બજારમાં ભાવની સાત્યતા જળવાઈ રહેવાથી ગ્રાહક અને ઉત્પાદક બંનેને ફાયદો થશે.

ગુજકોમાસોલ આ બજાર ડેવલપ થયેથી સપ્લાયર ડેવલપમેન્ટ પ્રોગ્રામ દ્વારા ખેડૂતોને તેમાં જોડશે જેથી ફ્રેશ અને હેલ્ધી પ્રોડકટસ ગ્રાહકો માટે અને ખેડૂત પોતે જ સીધો સપ્લાય આપી શકશે. જરૂર પડ્યે અમુક ઉત્પાદનો માટે કોન્ટ્રાક્ટ ફાર્મિંગ કરાશે. આ સિવાય સ્ટ્રેટેજિક લોકેશન પર પ્રોક્યુરમેન્ટ સેન્ટર ઉભા થશે. ત્યાંથી ખેડૂત સીધો અમને માર્કેટ માટે પ્રોડકટ આપી શકશે. આ માટે પ્રોફેશનલ લોજિસ્ટિક અને વેરહાઉસ મેનેજમેન્ટનો ઉપયોગ કરાશે. તો બીજીબાજુ માર્કેટીંગના તમામ મોડલોનો અભ્યાસ કરી સુપર માર્કેટ ચેઈન, ઈ-કોમર્સ અને અન્ય ડિજિટલ પ્લેટફોર્મ આપણે બનાવવા જઈ રહ્યા છે તો બીજીબાજુ સહકારી મંડળી તેમની પ્રોડકટસ તેમના બ્રાન્ડથી અને ગુજકોમાર્ટના એન્ડોરસમેન્ટથી તેમની પ્રોડકટસ આપના સ્ટોર્સ પર મૂકી શકશે અને જ્યાં બ્રાન્ડ નહીં હોય ત્યાં ગુજકો બ્રાન્ડથી પ્રોડકટસ બનશે.

આ ઉપરાંત ફૂડ પ્રોસેસિંગ યુનિટોને ઓનબોર્ડ કરી તેઓને ત્યાં વેલ્યુએડેડ પ્રોડકટસ પ્રોડ્યુસ કરાવી લોકલ તથા એક્સપોર્ટ ક્વોલિટીના પ્રોડકટસ બનશે. આ માટે જરૂરી એસોપી અને પોલિસી બની છેે જમાં ખેડૂતો તેમના પ્રોડકટસ દ્વારા સપ્લાયર પાર્ટનરશિપમાં જોડાઈ શકશે જે પોલિસી ફેર પ્રાઈસ, ગુણવત્તા અને લોજિસ્ટિકસ પર ફોક્સ કરશે અને જરૂર પડે ફિનટેક સોલ્યુશન પણ સપ્લાયરને આપી શકાશે. આ માટે ગુજકો ઈઆરપી સિસ્ટમ ડિજિટલ પેમેન્ટ સિસ્ટમ, મોબાઈલ એપ અને ડેટા એનાલિસિસ કરી રહ્યા છીએ. કોલોબરેશન થકી બજાર ડેવલપમેન્ટ, પ્રોડકટ, ગુણવત્તા તમામ પ્રોડકટનું પ્રોસેસિંગ અને ઘણુંબધું ડિજિટલ કાર્ય કરી સંપૂર્ણ પ્લાન ગુજકોમાસોલ ‘ગુજકો માર્ટ’ પ્રોજેકટ થકી પીપીપી મોડેલ દ્વારા લાવી રહ્યું છે.