ઐશ્વર્યા રાય બચ્ચને બનારસી સાડીમાં દેશી રોયલ્ટીની ધૂમ મચાવી
ઐશ્વર્યા રાય બનારસી સાડી અને ‘સિંદૂર’ લગાવી કાન્સના આઇકોનિક રેડ કાર્પેટ પર પોતાના આંતરિક દેશી વહુને રજૂ કરતી જોવા મળી.
- Advertisement -
બોલિવૂડ સ્ટાર ઐશ્વર્યા રાય બચ્ચને ફરી એકવાર સાબિત કરી દીધું છે કે તેમને “કાન્સ ક્વીન” કેમ કહેવામાં આવે છે. ફ્રેંચ રિવેરમાં કાન્સ ફિલ્મ ફેસ્ટિવલ 2025ની ઉજવણી થઈ રહી છે. અને આ ફેસ્ટિવલમાં આઈશ્વર્યા રાય બચ્ચનના હોય તેવું કેવી રીતે બને? દર વર્ષની જેમ આ વર્ષે પણ ઐશ્વર્યા રાય બચ્ચન તેની દીકરી આરાધ્યા સાથે કાન્સ પહોંચી છે.
ઐશ્વર્યા રાયનો કાન્સનો ફર્સ્ટ લુક
સોશિયલ મીડિયા પર ઐશ્વર્યા રાય બચ્ચનનો કાન્સ રેડ કાર્પેટ પરનો પહેલો લુક સામે આવ્યો છે. અને આ વખતે પણ ઐશ્વર્યા રાયે તેના ભારતીય પરિધાનના દેશી લૂકમાં દરેકને ઇમ્પ્રેસ કરી દીધા છે.
View this post on Instagram- Advertisement -
આઇવરી સાડી, માંગમાં સિંદૂર
ઐશ્વર્યા રેડ કાર્પેટ પર આઇવરી રંગની બનારસી સાડી પહેરીને પહોંચી હતી. તેણે માંગમાં સિંદૂર અને ગાળામાં રાની પિન્ક કલરની એમરેલ્ડ જ્વેલરી પહેરી હતી. આ ડિઝાઇનર મનીષ મલ્હોત્રાએ ડિઝાઇન કર્યું છે.
નમસ્તે કરીને મીડિયાનું અભિવાદન
ફૂલ સ્લીવઝના બ્લાઉઝ સાથે ઐશ્વર્યાએ જમણી બાજુ સાડી સાથે મેચિંગ દુપટ્ટો પણ કેરી કર્યો હતો. હાથ જોડીને નમસ્તે મુદ્રામાં ઐશ્વર્યાએ મીડિયાને પોઝ આપ્યો હતો.
ઓપન હેર, ન્યુડ મેકઅપમાં શોભી ઐશ્વર્યા
ઓપન હેર અને ન્યુડ મેકઅપ સાથે ઐશ્વર્યાએ મેચિંગ રિંગ્સ પણ પહેરી હતી. બ્રાઉન લિપસ્ટિકે તેના લૂકને કમ્પ્લીટ કર્યો. ઐશ્વર્યાએ હસતાં મોઢે ઘણા પોઝ આપ્યા હતા.
કવિન ઈઝ બેક
આ વખતનો ઐશ્વર્યાનો લુક જોઈને તેના ફેન્સ રાજી થઈ ગયા અને તેમણે લખ્યું ” કવિન ઈઝ બેક”. તો અમૂકે લખ્યું ‘કમાલ લાગી રહી છે’
કાન્સમાં ઐશ્વર્યા
20 મે ના રોજ ઐશ્વર્યા તેની દીકરી આરાધ્યા સાથે કાન્સ ફેસ્ટિવલમાં ભાગ લેવા માટે ફ્રેંચ રિવેરા પહોંચી હતી. જ્યાં તેનું જોરશોરથી સ્વાગત થયું હતું.
