પાકિસ્તાનના ભૂતપૂર્વ વડાપ્રધાન અને પાકિસ્તાન તહરીક-એ-ઈન્સાફ (PTI)ના વડા ઈમરાન ખાનને લઈ મોટી અપડેટ સામે આવી છે. વાત જાણે એમ છે કે, સોમવારે એટલે કે 15 મેના રોજ ફરી એકવાર ઈમરાન ખાન કોર્ટમાં પહોંચ્યા છે. આ વખતે ઈમરાન લાહોર હાઈકોર્ટમાં હાજર થયા છે. તેમની સામે એક કેસમાં સુનાવણી ચાલી રહી છે. આ તરફ તેમના સમર્થકો કોર્ટની બહાર એકઠા થયા છે. ટીવી ચેનલો પર બતાવવામાં આવી રહ્યું છે કે, ઈમરાનના સમર્થકો હોબાળો મચાવી રહ્યા છે.
પાકિસ્તાનની એક ન્યૂઝ ચેનલ દ્વારા કહેવામાં આવ્યું છે કે,ઈમરાન અને તેના સમર્થકો સાથે જોડાયેલા કેસમાં આજે કોર્ટમાં સુનાવણી ચાલી રહી છે. 9મી મેના રોજ થયેલી હિંસા અને આગચંપી માટે તેમની સામે અનેક કેસ નોંધવામાં આવ્યા હતા. ઈમરાન ખાનની ધરપકડના વિરોધમાં ઈમરાનના સમર્થકોએ કોર્પ્સ કમાન્ડરના ઘરને આગ લગાવી હતી અને દેશના અન્ય સંરક્ષણ સંસ્થાઓમાં તોડફોડ કરી હતી. જે બાદ ઇમરાનના સમર્થકોની ધરપકડ શરૂ કરવામાં આવી હતી.
- Advertisement -
ઈમરાન ખાનની આજે કોર્ટમાં હાજરી વચ્ચે તેમની પાર્ટી પીટીઆઈએ તેના કાર્યકરોને શક્તિ પ્રદર્શન માટે લાહોરના જમાન પાર્કમાં ભેગા થવા કહ્યું હતું. મીડિયા અહેવાલો અનુસાર પક્ષના કાર્યકરોને ટીયર ગેસને શ્વાસમાં લેવાથી બચવા માટે ચહેરા પર માસ્ક, પાણીની બોટલ અને થોડી માત્રામાં મીઠું સાથે રાખવાનું કહેવામાં આવ્યું હતું.
A religious militia that is also a govt alliance party has attacked the Supreme Court of Pakistan. The police stood by and allowed the seminary students to climb the gates of the Supreme Court.
There are strong clues that the arson and rioting in the aftermath of Imran Khan's… pic.twitter.com/ahIgWBpVVV
— Hammad Azhar (@Hammad_Azhar) May 15, 2023
- Advertisement -
ઈમરાનના સમર્થકો મોટી સંખ્યામાં એકઠા થયા
પાકિસ્તાની ચેનલ અનુસાર ઈમરાન તેના સમર્થકો સાથે સોમવારે સવારે 11 વાગ્યે કોર્ટમાં હાજર થવા માટે રવાના થયા હતા. તેમણે લાહોર હાઈકોર્ટમાં રજૂ કરવામાં આવ્યા હતા. તેમની પાર્ટી પીટીઆઈના કેટલાક નેતાઓએ સંભાવના વ્યક્ત કરી છે કે, ઈમરાનની ફરી ધરપકડ થઈ શકે છે. આવી સ્થિતિમાં ઈમરાનના સમર્થકો મોટી સંખ્યામાં તેમની સાથે રવાના થયા હતા.
નોંધનીય છે કે, અગાઉ ઈમરાન ખાન અલ કાદિર ટ્રસ્ટ કેસમાં જામીન મળ્યા હોવા છતાં ફરીથી ધરપકડના ડરથી ઈસ્લામાબાદ હાઈકોર્ટના પરિસરમાં કલાકો ગાળ્યા બાદ શનિવારે લાહોરમાં તેમના નિવાસસ્થાને પરત ફર્યા હતા. હવે તેની સામે લાહોર હાઈકોર્ટમાં જ સુનાવણી ચાલી રહી છે.
