પાકિસ્તાનથી આવેલા ડ્રોનને તોડી પડાયું: પંજાબમાં સેના દ્વારા મોટા આતંકી ષડયંત્રનો પર્દાફાશ

પાકિસ્તાનથી આવેલા ડ્રોનમાં ચાર ચાઈનીઝ પીસ્તલ, આઠ મેગેઝીન અને 47 કારતૂસ મળ્યા: સાબદા સુરક્ષાદળોએ ફરી નાપાક ઈરાદાને બનાવ્યા નિષ્ફળ

પંજાબના ગુરદાસપુરમાં સીમા સુરક્ષા દળોએ તસ્કરોના ખતરનાક ઈરાદાઓને નિષ્ફળ બનાવતાં પાકિસ્તાની ડ્રોનને તોડી પાડ્યું છે. સુરક્ષા દળોની ટીમે ડ્રોનમાંથી ચીન બનાવટની ચાર પીસ્તલ, આઠ મેગેઝીન અને 47 કારતૂસ કબજે કર્યા છે.

બીએસએફે જણાવ્યું કે, 17-18 જાન્યુઆરીએ ગુરદાસપુરના ઉંચા ટકલા ગામના બહારના વિસ્તારમાં તૈનાત બીએસએફના એક ટીમે પાકિસ્તાન તરફથી આવનારા એક શંકાસ્પદ ડ્રોનનો અવાજ સાંભળ્યો હતો. બીએસએફની ટીમે ત્વરિત કાર્યવાહી કરતાં શંકાસ્પદ ડ્રોનની દિશામાં ફાયરિંગ કર્યું હતું. ફાયરિંગ દરમિયાન કંઈક પડવાનો અવાજ પણ સંભળાયો હતો. જેથી સર્ચ ઓપરેશન કરવામાં આવતાં ત્યાં ચાર ચાઈનીઝ પીસ્તલ, આઠ મેગેઝીન મળી આવ્યા હતા.

BSF seizes Chinese arms from weapon consignment dropped by Pak drone in Gurdaspur

Read @ANI Story | https://t.co/LxN8seVwPT#BSF #drone #PakDrone pic.twitter.com/6mwjYqKidP

- Advertisement -

— ANI Digital (@ani_digital) January 18, 2023

બીએસએફ સેક્ટરના ગુરદાસપુર ડીઆઈજી પ્રભાકર જોશીએ જણાવ્યું કે, બીએસએફના જવાનોને ડ્રોનનો અવાજ સંભળાયો હતો જેથી જવાનોએ અંદાજે 17 રાઉન્ડ ફાયરિંગ કર્યું હતું. આ દરમિયાન ડ્રોનમાંથી કંઈક નીચે પડવાનો અવાજ સંભળાયો હતો. બીએસએફે જણાવ્યું કે જ્યારે તલાશી લેવામાં આવી તો એક પેકેટ મળ્યું હતું જેમાંથી ચાર ચાઈનીઝ પીસ્તલ, આઠ મેગેઝીન અને 47 રાઉન્ડ મળી આવતાં તેને કબજે કરીને આગળની કાર્યવાહી શરૂ કરવામાં આવી છે.

અત્યારે બીએસએફના સતર્ક જવાનોએ ફરીવાર તસ્કરોના ડ્રોન દ્વારા માદક પદાર્થોની તસ્કરીના નાપાક ઈરાદાને સફળ થવા દીધા નથી. આ પહેલાં પણ પાકિસ્તાન તરફથી ડ્રોન મારફતે તસ્કરી કરવાની અનેક ઘટનાઓ બની ચૂકી છે.