લેફટનન્ટ જનરલ મનોજ પાંડે બન્યા નવા આર્મી ચીફ

નેશનલ ડિફેન્સ એકેડેમીના ભૂતપૂર્વ વિદ્યાર્થી છે : તેમને 1982માં કોર ઓફ એન્જિનિયર્સમાં કમિશન મળ્યું હતું

ખાસ-ખબર સંવાદદાતા

લેફટનન્ટ જનરલ મનોજ પાંડેને નવા આર્મી ચીફ બનાવવામાં આવ્યા છે. તેઓ આર્મી ચીફ બનનારા પ્રથમ એન્જિનિયર બન્યા છે.તેઓ આ મહિનાના અંતમાં વર્તમાન આર્મી ચીફ જનરલ એમએમ નરવાણેની નિવૃત્તિ બાદ જવાબદારી સંભાળશે. લેફટનન્ટ જનરલ મનોજ પાંડે નેશનલ ડિફેન્સ એકેડેમીના ભૂતપૂર્વ વિદ્યાર્થી છે.

તેમને 1982માં કોર ઓફ એન્જિનિયર્સમાં કમિશન મળ્યું હતું.લેફટનન્ટ જનરલ મનોજ પાંડેએ જમ્મુ-કાશ્મીરમાં સરહદ નજીક સંવેદનશીલ પલ્લવવાલા સેક્ટરમાં ઓપરેશન પરાક્રમ દરમિયાન 117 એન્જિનિયર રેજિમેન્ટની કમાન સંભાળી હતી. પશ્ચિમી સેક્ટરમાં એક એન્જિનિયર બ્રિગેડ અને પરૂમિી લદાખના ઊંચાઈ ધરાવતા વિસ્તારોમાં એક પર્વતીય ડિવિઝન અને પૂર્વોત્તરમાં એક કોરની કમાન સંભાળી હતી. તેઓ સંયુક્ત રાષ્ટ્રના ઘણા મિશનોમાં યોગદાન આપી ચૂક્યા છે. તેઓ જૂ 2020થી મે 2021 સુધી અંદામાન-નિકોબાર કમાનના કમાન્ડર ઈન ચીફ પણ રહ્યા હતા.