મક્કામાં ઈમરજન્સી એલર્ટ : સાઉદીએ મક્કા પાસે હુતી ડ્રોન તોડી પાડયું

મુશ્કેલ ઘડીએ પાકિસ્તાને હાથ ઊંચા કર્યા, હુતી બોલ્યા- મક્કાને કોઈ જોખમ નથી

સાઉદી અરબના એર ડિફેન્સ સિસ્ટમે મંગળવારે મક્કાના દક્ષિણમાં એક હુતી ડ્રોનને ઇન્ટરસેપ્ટ કરીને નષ્ટ કરી દીધું. સાઉદી નેતૃત્વવાળા સૈન્ય ગઠબંધને બુધવારે જણાવ્યું કે ડ્રોનને મક્કાના પ્રતિબંધિત હવાઈ ક્ષેત્રમાં દાખલ થતા પહેલા જ તોડી પાડવામાં આવ્યું. સૈન્ય ગઠબંધનના પ્રવક્તા તુર્કી અલ-મલિકીએ કહ્યું કે ઇસ્લામના બે સૌથી પવિત્ર સ્થળો અને યાત્રાળુઓની સુરક્ષા સાઉદી અરબ માટે રેડ લાઈન છે. તેમણે કહ્યું કે ગઠબંધન હુતીઓ વિરુદ્ધ જરૂરી પગલાં લેશે. જ્યારે હુતી ઉગ્રવાદીઓએ મક્કા કે બીજા પવિત્ર સ્થળોને નિશાન બનાવવાની વાતનો ઇનકાર કર્યો છે. હુતીઓની સમાચાર એજન્સી SABA અનુસાર, સંગઠનથી મક્કા કે અન્ય પવિત્ર સ્થળોને કોઈ ખતરો નથી. મંગળવારે સાઉદી અરબના ઘણા વિસ્તારોમાં સુરક્ષા એલર્ટ જાહેર કરવામાં આવ્યા. તેમાં મક્કા અને અન્ય શહેરોનો સમાવેશ થતો હતો. આ ઘટનાક્રમ એવા સમયે બન્યો, જ્યારે છેલ્લા એક સપ્તાહમાં ઈરાન સમર્થિત ઉગ્રવાદીઓનાં હુમલાઓ પછી સાઉદી અરબ ક્ષેત્રીય સંઘર્ષથી વધુ પ્રભાવિત થયું છે.
હુતીઓના હુમલાઓથી સાઉદી અરબના તે તેલ નિકાસ માર્ગો પર પણ જોખમ વધ્યું છે, જેમને સ્ટ્રેટ ઓફ હોર્મુઝથી હટાવીને વૈકલ્પિક રસ્તાઓથી ઉપયોગમાં લેવામાં આવી રહ્યા છે. યમનના હુતી વિદ્રોહીઓએ મંગળવારે સાઉદી અરબ પર ડ્રોન અને મિસાઈલ હુમલા કર્યા. ત્યારબાદ સાઉદી અરબે મક્કામાં પહેલીવાર ઈમરજન્સી એલર્ટ જાહેર કર્યું. સાઉદી સિવિલ ડિફેન્સ અનુસાર, નેશનલ અર્લી વોર્નિંગ પ્લેટફોર્મે એલર્ટ જાહેર કર્યું હતું. લોકોને ઊંચી ઇમારતોથી દૂર રહેવાની અપીલ કરવામાં આવી હતી. થોડા સમય પછી સિવિલ ડિફેન્સે જણાવ્યું કે ખતરો ટળી ગયો છે. જોકે, લોકોને ભીડથી દૂર રહેવા અને કોઈ ઘટનાનો વીડિયો કે ફોટો ન બનાવવા અપીલ કરવામાં આવી હતી. મંગળવારે સવારે જેદ્દા અને તાઈફમાં પણ આવા જ ઈમરજન્સી એલર્ટ જાહેર કરવામાં આવ્યા હતા. તેમને પણ થોડા સમય પછી પાછા ખેંચી લેવામાં આવ્યા હતા. આ પહેલા ૨૭ જુલાઈ ૨૦૧૭ના રોજ હુતી વિદ્રોહીઓએ મક્કા તરફ બેલિસ્ટિક મિસાઈલ છોડી હતી. પરંતુ મિસાઈલને મક્કાથી લગભગ ૬૯ કિલોમીટર દૂર અલ-વસિલિયા વિસ્તારમાં નષ્ટ કરી દેવામાં આવી હતી.