6 દિવસ દરમિયાન ત્રણેય ઝોનમાં મળી જાહેરમાં ગંદકી ફેલાવતા અને કચરો ફેંકતા સામે દંડની કાર્યવાહી: 11400નો ચાર્જ
ખાસ-ખબર ન્યૂઝ રાજકોટ
રાજકોટ શહેરને પ્લાસ્ટિક મુક્ત કરવા તથા લોકોમાં સફાઈ અંગે જાગૃતિ આવે તે માટે આજે મહાનગરપાલિકાનાં સોલિડ વેસ્ટ મેનેજમેન્ટ વિભાગ દ્વારા ત્રણેય ઝોનમાં ઝુંબેશના રૂપમાં સઘન સફાઈ કામગીરી હાથ ધરવામાં આવી હતી. જેમાં તા. 16થી 23 જૂન એમ કુલ 6 દિવસ દરમિયાન ત્રણેય ઝોનમાં મળી જાહેરમાં ગંદકી ફેલાવતા અને કચરો ફેકતા 41 નાગરિક સામે દંડની કાર્યવાહી કરવામાં આવી હતી. તેમજ પ્રતિબંધિત પ્લાસ્ટિક જપ્ત કરવામાં આવ્યું હતું. 41 આસામી પાસેથી મહાનગરપાલિકાએ 11400નો વહીવટી ચાર્જ વસુલવામાં આવ્યો હતો. ઉપરોક્ત કામગીરી મ્યુનિસિપલ કમિશનરની સુચના અને નાયબ મ્યુનિસિપલ કમિશનરના માર્ગદર્શન હેઠળ પર્યાવરણ ઈજનેર તેમજ ત્રણેય ઝોનના નાયબ પર્યાવરણ ઇજનેરના સુપરવિઝનમાં આસિ. 5ર્યાવરણ ઇજનેર/ સેનિટેશન ઓફિસર, સેનેટરી સબ ઇન્સ્પેક્ટર દ્વારા કરવામાં આવી હતી.
