CCTVમાં કેદ પાંચ શખ્સોને પકડવા પોલીસની ટીમો દોડાવાઈ
ખાસ-ખબર ન્યૂઝ રાજકોટ
રાજકોટમાં તસ્કરોને મોકળું મેદાન મળી ગયું હોય તેમ ચોરીના બનાવોમાં દિવસે ને દિવસે વધારો નોંધાઈ રહ્યો છે 61 લાખના હીરાની ચોરીનો ભેદ હજુ અકબંધ છે ત્યાં ત્રિકોણ બાગ પાસે આવેલ ટાઈટનના શોરૂમમાંથી તસ્કરો 70 લાખની કીમતી ઘડિયાળો અને 4 લાખ રોકડની ચોરી કરી નાસી જતાં પોલીસમાં દોડધામ મચી જવા પામી છે સીસીટીવીમાં કેદ 5 તસ્કરોને પકડવા પોલીસની જુદી જુદી ટીમો દોડાવાઈ છે.
- Advertisement -
પોલીસ સૂત્રોમાંથી પ્રાપ્ત વિગતો મુજબ શહેરના ત્રિકોણ બાગ ચોકમાં આવેલ ટાઈટન શોરૂમમાં પાછળથી તસ્કરોએ ત્રાટકી શોરૂમમાંથી મોટી ચોરીને અંજામ આપ્યો હોવાની પોલીસ કંટ્રોલમાં જાણ કરતાં પોલીસ કમિશનર બ્રજેશ ઝા, ડીસીપી, ક્રાઇમ બ્રાન્ચ, એસઓજી, એલસીબી, ડોગ સ્કવોડ, એ ડિવિઝન સહિતનો પોલીસ કાફલો દોડી ગયો હતો પોલીસની પ્રાથમિક તપાસમાં પાછળથી ત્રાટકેલા તસ્કરો શોરૂમમાંથી 70 લાખની કીમતી ઘડિયાળો અને 4 લાખની રોકડ ચોરી કરી ગયા હોવાનું જાણવા મળ્યું હતું પોલીસે સીસીટીવી ચેક કરતાં એક શખ્સ ચોરી કરવા ઘૂસ્યો હોવાનું અને ચાર જેટલા લોકો બહાર વોચ રાખીને ઊભા હોવાનું જોવા મળતા પોલીસે જુદી જુદી ટીમો બનાવી તસ્કરોની ઓળખ મેળવવા અને ચોરીનો ભેદ ઉકેલવા તજવીજ હાથ ધરી છે એ ડિવિઝન પોલીસે શોરૂમના માલિક રવિભાઈ ભુપેન્દ્રભાઇ ચોંટાઈની ફરિયાદ પરથી ગુનો નોંધી તપાસ હાથ ધરી છે.
