ચીનના ગુઆંગડોન્ગ પ્રાંતના હોન્ગ્વી ક્રોકોડાઇલ ઇન્ડસ્ટ્રી કંપની પર નાણાકીય દેવું વધી જવાથીએ કંપની અંતર્ગત ઉછેરાતા મગરમચ્છોને વેચીને એ નાણાં ભરપાઈ કરવાનો ચીની કોર્ટે ઑર્ડર આપ્યો છે. આ માટે અલીબાબા જુડિશ્યલ ઑક્શન પ્લેટફોર્મ પર મગરોનું હરરાજી થઈ રહ્યું છે. આ ક્રોકોડાઇલ કંપનીની શરૂઆત 2005માં મો જુનરોન્ગ નામના માણસે કરી હતી.
જુનિરોન્ગ એક સમયે ચીનમાં ક્રોક્રોડાઇલ ગોડ કહેવાતો હતો. તેની કંપનીને પાંચ કરોડ યુઆન એટલે કે લગભગ 58.6 કરોડ રૂપિયાની ખોટ જવાથી બેન્કે તેની સંપત્તિ જપ્ત કરી લીધી છે. આ સંપત્તિમાં 100 ટનના મગરમચ્છો પણ છે. 10 માર્ચે શરૂ થયેલું મગરોનું ની ની હરરાજી 9 મે સુધી એટલે કે બે મહિના સુધી ચાલશે. આ ઑક્શનમાં ખરીદદારોએ મગરને પકડવા, તોલવા અને ઊંચકીને ટ્રાન્સપોર્ટ કરીને પોતાને ત્યાં લઈ જવાનો ખર્ચ અલગથી ઉઠાવવો પડશે. આ મગર એ જ ખરીદી શકશે જેમની પાસે મગર ખરીદવાનું લાઇસન્સ હશે.
- Advertisement -
