મસ્કના DoGE વિભાગ માટે ભરતીની જાહેરાત

અઠવાડિયામાં 80 કલાકથી વધુ કામ કરનારા લોકોની શોધ: પગાર નહીં મળે

ખાસ-ખબર ન્યૂઝ વોશિંગ્ટન, તા.16
ટેસ્લાના ચીફ ઈલોન મસ્ક અને બિઝનેસમેન વિવેક રામાસ્વામીએ યુએસ સરકારના નવા DoGE  (ડિપાર્ટમેન્ટ ઑફ ગવર્નમેન્ટ એફિશિયન્સી) વિભાગ માટે ભરતીની જાહેરાત કરી છે. આ માહિતી સોશિયલ મીડિયા ડ પર આપવામાં આવી છે. DoGEના ઓફિસિયલ ડ હેન્ડલ તરફથી થયેલી પોસ્ટમાં લખ્યું છે કે, તેઓ એવા લોકોની શોધમાં હોય છે જેમને સુપર હાઈ આઈક્યુ હોય. તેઓ એવા લોકોની શોધમાં છે જે અઠવાડિયામાં 80 કલાકથી વધુ કામ કરી શકે. જો કોઈમાં આ ગુણો હોય તો તે DoGEના મેસેજમાં પોતાનો બાયોડેટા મોકલી શકે છે.

જો કે, ફક્ત તે લોકો જDoGEને સંદેશ મોકલી શકે છે જેમની પાસે ડ નું વેરિફાઈડ એકાઉન્ટ છે. અમેરિકામાં તેની કિંમત દર મહિને 8 ડોલર (675 રૂૂપિયા) છે. મસ્ક અને વિવેક રામાસ્વામી સીવી મોકલનારા ટોચના 1% ઉમેદવારોની સમીક્ષા કરશે. રામાસ્વામીએ કહ્યું- આ સરકારી નોકરી જેવી નોકરી નથીપોસ્ટમાં DoGEમાં નોકરી માટે અરજદારને કેવો અનુભવ હોવો જોઈએ તેનો ઉલ્લેખ નથી. જો કે, આ સાથે મસ્ક એ પણ કહ્યું છે કે આ કામ માટે કોઈ પગાર આપવામાં આવશે નહીં. વિવેક રામાસ્વામીએ કહ્યું કે, આ નોકરી કોઈ સરકારી નોકરી જેવી નથી જેમાં લોકો બહુ ઓછું અથવા કોઈ કામ કરે છે. આમાં લોકો ભ્રષ્ટાચારથી પૈસા કમાઈ શકશે નહીં.
બીજી વખત ચૂંટણી જીત્યા બાદ ડોનાલ્ડ ટ્રમ્પે સરકારી નોકરશાહીને ખતમ કરવા અને સરકારના પૈસા બચાવવા માટે આ વિભાગ શરૂ કર્યો છે. ટ્રમ્પે કહ્યું કે DoGE વિભાગ 4 જુલાઈ, 2026 સુધી કામ કરશે. આ નવી સિસ્ટમથી સરકારી નાણાનો વેડફાટ કરનારાઓમાં ગભરાટ સર્જાશે. ટ્રમ્પે સપ્ટેમ્બરની શરૂઆતમાં DoGEની રચનાનો પ્રસ્તાવ મૂક્યો હતો. અગાઉ ઓગસ્ટમાં તેમણે કહ્યું હતું કે જો તેઓ રાષ્ટ્રપતિ બનશે તો તેઓ મસ્કને કેબિનેટ પદ અથવા તેમના વહીવટમાં સલાહકારની ભૂમિકા આપવા પર વિચાર કરશે.

મસ્કે સોશિયલ મીડિયા પર આ પ્રોજેક્ટને ’અમેરિકાની છેલ્લી તક’ ગણાવી છે. તેમણે દાવો કર્યો હતો કે તેના વિના દેશ નાદાર થઈ જશે. તેણે દાવો કર્યો હતો કે ન્યૂયોર્ક મેટ્રોપોલિટને ફાયર એલાર્મ માટે 6.5 કરોડ રૂપિયા ખર્ચ્યા છે. મસ્કે એવો પણ આક્ષેપ કર્યો હતો કે નેશનલ ઇન્સ્ટિટ્યૂટ ઓફ એલર્જી એન્ડ ઇન્ફેક્શન ડિસીઝે ’ટ્રાન્સજેન્ડર વાંદરાઓમાં ઇંઈંટના સંશોધન માટે 4 કરોડ રૂપિયાથી વધુનો ખર્ચ કર્યો હતો. આ વ્યર્થ ખર્ચ છે. મસ્કે જણાવ્યું હતું કે, સિસ્ટમમાં પારદર્શિતા લાવવા માટે DoGEની કામગીરી ઓનલાઈન પોસ્ટ કરવામાં આવશે. જનતાના ટેક્સના પૈસા કઈ મૂર્ખામીભરી યોજનાઓ પાછળ ખર્ચાઈ રહ્યા છે તેની માહિતી અલગથી આપવામાં આવશે.

DoGE વિશે મસ્કે કહ્યું હતું કે, તેઓ નવા વિભાગ દ્વારા ઓછામાં ઓછા 2 ટ્રિલિયન ડોલર (168 લાખ કરોડ) સરકારી ખર્ચમાં ઘટાડો કરી શકશે. જોકે કેટલાક નિષ્ણાતો તેને અશક્ય ગણાવી રહ્યા છે. વોશિંગ્ટન પોસ્ટ અનુસાર, મસ્ક ત્યારે જ આ કરી શકશે જો તે સંરક્ષણ બજેટ અથવા સામાજિક સુરક્ષા જેવા મહત્વપૂર્ણ કાર્યક્રમોમાં કાપ મૂકશે.