P.I એસ. એમ. જાડેજા સહિતની ટીમની કડક કાર્યવાહી
ખાસ-ખબર ન્યૂઝ રાજકોટ, તા.22
રાજકોટ શહેર પોલીસ કમિશનર રાજુ ભાર્ગવ તથા અધિક પોલીસ કમિશનર વિધિ ચૌધરી તથા નાયબ પોલીસ કમિશનર સજનસિંહ પરમાર ઝોન-1 તથા મદદનીશ પોલીસ કમિશનર આર. એસ. બારીઆ ઉત્તર વિભાગ રાજકોટ શહેરનાઓએ રાજકોટ શહેરમાંથી અસામાજિક પ્રવૃત્તિ સદંતર નેસ્તનાબુદ થાય તથા આમજનતાને શાંતિ સલામતીનો અહેસાસ થાય તે હેતુથી ગેરકાયદેસર પ્રવૃત્તિ અટકાવવા સૂચના કરી હતી.
- Advertisement -
જે અન્વયે પોલીસ ઈન્સ્પેકટર એસ. એમ. જાડેજા બી ડીવીઝન પોલીસ સ્ટેશન રાજકોટ શહેર તથા ડી સ્ટાફના માણસો સતત પ્રયત્નશીલ હતા તે દરમિયાન પોલીસ હેડ કોન્સ્ટેબલ રાજેશભાઈ બાળા તથા પોલીસ કોન્સ્ટેબલ ભાનુશંકર ધાંધલા તથા રાજદીપભાઈ પટગીરનાઓની સંયુક્ત બાતમી હકીકત આધારે ભગવતીપરા મેઈન રોડ, કબીર વાડી પાસે જાહેર રોડ પરથી આરોપી સાજીદ ઉર્ફે સાજલો યુસુફ દલને પીસ્ટલ તથા જીવતા કાર્ટીઝ સાથે પકડી પાડી બી ડીવીઝન પોલીસ સ્ટેશને ગુન્હો દાખલ કરી કાર્યવાહી હાથ ધરી છે. આ પહેલાં પણ આરોપી સાજીદ ગુનાહિત ઈતિહાસ
ધરાવે છે.
