એક્ટ્રેસ અદા શર્મા તેમની આગામી ફિલ્મ ‘બસ્તર ધ નક્સલ સ્ટોરી’માં જોવા મળશે. દર્શકો આતુરતાથી આ ફિલ્મની રાહ જોઈ રહ્યા છે. મેકર્સે આજે આ ફિલ્મનું ટ્રેલર રિલીઝ કર્યું છે. ટ્રેલરમાં અદા શર્મા નક્સલીઓ સામે જંગ લડી રહી છે.
એક્ટ્રેસ અદા શર્માની ફિલ્મ ‘ધ કેરલા સ્ટોરી’ ખૂબ જ હિટ થઈ હતી. ફિલ્મ ‘ધ કેરલા સ્ટોરી’ની સફળતા પછી નિર્માતા વિપુલ અમૃતલાલ શાહ, ડાયરેક્ટર સુદીપ્તો સેન અને એક્ટ્રેસ અદા શર્મા તેમની આગામી ફિલ્મ ‘બસ્તર ધ નક્સલ સ્ટોરી’ લઈને આવી રહ્યા છે. આ ફિલ્મમાં નક્સલવાદ વિરુદ્ધ મેદાન એ જંગ જોવા મળશે. દર્શકો આતુરતાથી આ ફિલ્મની રાહ જોઈ રહ્યા છે. મેકર્સે આજે આ ફિલ્મનું ટ્રેલર રિલીઝ કર્યું છે. ટ્રેલરમાં અદા શર્મા નક્સલીઓ સામે જંગ લડી રહી છે.
- Advertisement -
નક્સલીઓની ક્રૂરતા
અદા શર્મા ફિલ્મ ‘બસ્તર ધ નક્સલ સ્ટોરી’ IPS નીરજા માધવનનું પાત્ર ભજવતી જોવા મળશે. આ ફિલ્મનું ટ્રેલર જોઈને તમારા રૂવાડા ઊભા તઈ જશે. આ ફિલ્મમાં આતંકવાદ વિરુદ્ધની લડાઈ જોવા મળી રહી છે. ટ્રેલરમાં 76 શહીદ CRPF જવાન કેવી રીતે શહીદ થયા અને તેમના બદલાની કહાની દર્શાવવામાં આવી છે. આ ફિલ્મમાં નક્સલીઓની ક્રૂરતા જોઈને તમારા રૂવાડા ઊભા થઈ જશે. ટ્રેલરમાં એક મહિલા અદા શર્માને જણાવે છે કે, તેણે તેના પતિ અને બાળકને ગુમાવી દીધા છે. દરેક ઘરમાંથી એક બાળક નક્સલીઓને આપવું પડે છે.
ટ્રેલરમાં અદા શર્માની શાનદાર એક્ટીંગ
આ ટ્રેલરમાં નક્સલીઓનો આંતક બતાવવામાં આવ્યો છે. તેમના વિરુદ્ધ કોઈ ઊભું થાય તો તેમને મોતને ઘાટ ઉતારી દેવામાં આવે છે. ટ્રેલરમાં તમામ વ્યક્તિ IPS નીરજા વિરુદ્ધ ઊભી રહે છે, ત્યારપછી તે નક્સલીઓ વિરુદ્ધ જંગનું એલાન કરે છે. દિલ્હી સરકારને સબક શીખવાડવા માટે નક્સલીઓ IPS નીરજા માધવનને જવાબ આપવાની તૈયારી કરે છે. ત્યારપછી ખતરનાક જંગ શરૂ થાય છે. ટ્રેલરમાં અદા શર્માની શાનદાર એક્ટીંગ જોવા મળી રહી છે, જેમાં તે દેશભક્તિના જઝ્બા સાથે જોવા મળે છે.
- Advertisement -
ક્યારે રિલીઝ થશે ફિલ્મ
સુદીપ્તો સેનના નિર્દેશનમાં બનેલ ફિલ્મ ‘બસ્તર ધ નક્સલ સ્ટોરી’માં અદા શર્માની સાથે સાથે ઈંદિરા તિવીરી પણ ખાસ અંદાજમાં જોવા મળશે. સનશાઈન પિક્ચર્સ હેઠળ બનેલ ફિલ્મ ‘બસ્તર ધ નક્સલ સ્ટોરી’ 15 માર્ચના રોજ બોક્સઓફિસ પર રિલીઝ થશે.
