આજી ડેમ પાસે 75 ખકઉ પ્લાન્ટ-પાઈપલાઈન યોજના: સેન્ટ્રલ ઝોન વિસ્તારના લોકોને મોટી રાહત

રાજકોટ મનપાની સ્ટેન્ડિંગ કમિટીની બેઠક યોજાઈ: 210 કરોડના વિકાસ કામોને બહાલી

વોર્ડ નં.1 (ઘંટેશ્ર્વર)માં 5.95 કરોડના ખર્ચે નવી ડી.આઈ. પાઈપલાઈન નખાશે, 6.48 કરોડના ખર્ચે 9 મિની ફાયર ફાઈટર વાહનો ખરીદાશે 

મનસુખભાઈ છાપિયા ટાઉનશીપની દુકાનોની હરાજી, ફૂટબોલ ગ્રાઉન્ડ કોચિંગ માટે અને ફૂડકોર્ટનું સંચાલન ભાડે આપીને મનપા 3.81 કરોડની આવક કરશે 

ખાસ-ખબર ન્યૂઝ રાજકોટ

રાજકોટ મહાનગરપાલિકાની સ્ટેન્ડિંગ કમિટીની બેઠક આજે ચેરમેનના અધ્યક્ષસ્થાને યોજાઈ હતી. આ બેઠકમાં શહેરના વિવિધ વોર્ડના આંતરમાળખાગત વિકાસ માટે રજૂ થયેલી તમામ 66 દરખાસ્તોને સર્વાનુમતે મંજૂરી આપવામાં આવી છે. કમિટીએ કુલ ₹210 કરોડના ખર્ચના કામોને લીલી ઝંડી આપી છે, જ્યારે મનપાની મિલકતોના વેચાણ અને લીઝ દ્વારા ₹3.81 કરોડની આવક ઊભી કરવાનું લક્ષ્ય પણ નિર્ધારિત કર્યું છે.
રાજકોટ શહેરના પાણી પુરવઠા માળખાને વધુ મજબૂત બનાવવા માટે આજી ડેમ પાસે 75 એમએલડી (મિલિયન લિટર પ્રતિ દિવસ) ક્ષમતાનો વોટર ટ્રીટમેન્ટ પ્લાન્ટ બનશે અને પાઈપ લાઈન નાખવામાં આવશે. આ મહત્વપૂર્ણ પ્રોજેક્ટ માટે કુલ રૂ. 60.41 કરોડનો ખર્ચ થશે. આ યોજના અમલમાં આવ્યા બાદ શહેરના સેન્ટ્રલ ઝોન વિસ્તારના લોકોને લાંબા સમયથી અનુભવાતી પાણીની અછતમાંથી મોટો રાહત મળશે.
આ પ્રોજેક્ટ અંતર્ગત આજી ડેમ પાસે આધુનિક ટેક્નોલોજીથી સજ્જ પાણી શુદ્ધિકરણ પ્લાન્ટનું નિર્માણ કરવામાં આવશે. ઉપરાંત, પાણી શહેર સુધી પહોંચે તે માટે નવી પાઈપલાઈન બિછાવવામાં આવશે. પ્લાન્ટમાંથી શુદ્ધ થયેલું પાણી સીધું જ સેન્ટ્રલ ઝોનના વિવિધ વિસ્તારોમાં પહોંચાડવામાં આવશે, જેના કારણે નિયમિત અને પૂરતું પાણી પુરવઠો સુનિશ્ચિત થશે. વોર્ડ નં. 12 માં ’મનસુખભાઈ છાપીયા ટાઉનશીપ’ ના શોપિંગ સેન્ટરની દુકાનો જાહેર હરાજીથી વેચવાની મંજૂરી અપાતા પાલિકાને મોટી આવક થશે. કુલ મળીને વિવિધ પ્રોજેક્ટ્સ દ્વારા પાલિકા ₹3.81 કરોડની આવક ઊભી કરશે. વોર્ડ નં. 1 (ઘંટેશ્વર) અને વોર્ડ નં. 7, 14, 17 ના વિસ્તારોમાં નવી ડી.આઈ. પાઈપલાઈન નાખવા માટે કરોડોનો ખર્ચ કરાશે. ફાયર વિભાગ માટે 72 લાખના ખર્ચે 10 નવી બોટ અને 6.48 કરોડના ખર્ચે 9 મિની ફાયર ફાઈટર વાહનો ખરીદવામાં આવશે. (અનુસંધાન પાના નં.13)

3.71 કરોડના ખર્ચે ન્યૂ રિંગ રોડ પર આકર્ષક એન્ટ્રી ગેટ બનશે

રાજકોટમાં પ્રવેશતી વખતે પ્રવાસીઓ પર શહેરની પ્રથમ છાપ મજબૂત પડે તે માટે વેસ્ટ ઝોનમાં જામનગર રોડ અને નવા 150 ફૂટ રિંગ રોડના જંક્શન પર એક આકર્ષક એન્ટ્રી ગેટ બનાવવામાં આવશે. 3,71,08,707ના ખર્ચે નિર્માણ પામનાર આ ગેટ 113.00 રનીંગ મીટરનું છઈઈ સ્ટ્રક્ચર ધરાવતો હશે. જેની દરખાસ્ત આજે સ્ટેન્ડિંગ કમિટીમાં મંજૂર કરવામાં આવશે.

માધાપરમાં ₹1.60 કરોડના ખર્ચે બનશે અત્યાધુનિક ‘ડોગ ફ્રેન્ડલી સેન્ટર’ અને સ્ટાફ ક્વાર્ટર

રાજકોટ શહેરમાં રખડતા શ્વાનોના નિયંત્રણ અને પશુ કલ્યાણની પ્રવૃત્તિઓને વધુ સુદ્રઢ બનાવવાના ભાગરૂપે મહાનગરપાલિકા દ્વારા એક મહત્વનો પ્રોજેક્ટ મંજૂર કરવામાં આવ્યો છે. શહેરના વોર્ડ નં. 3 માં માધાપર વિસ્તારમાં આવેલા હૈયાત એનિમલ હોસ્ટેલ ખાતે નવું ‘ડોગ ફ્રેન્ડલી સેન્ટર’ અને ત્યાં ફરજ બજાવતા કર્મચારીઓ માટે સ્ટાફ ક્વાર્ટર બનાવવામાં આવશે. આ સમગ્ર પ્રોજેક્ટ માટે સ્ટેન્ડિંગ કમિટીએ ₹1,60,14,772/- (અંદાજે 1.60 કરોડ) ના ખર્ચને બહાલી આપી છે.

રાજકોટ મહાનગરપાલિકા મહેકમ ખર્ચને પહોંચી વળવા રૂ.200 કરોડની લૉન લેશે 

સફાઈ કામદારોના કિસ્સામાં રહેમરાહે નોકરી આપવાના નિયમોમાં સુધારો કરી માનવીય અભિગમ અપનાવાયો છે. ફાયર વિભાગ માટે 10 નવી બોટ અને 9 મિની ફાયર ફાઈટર વાહનો ખરીદવામાં આવશે. મહાપાલિકાના વિકાસ કામોમાં નાણાની કમી ન આવે તે માટે ₹200 કરોડ સુધીની લોન અથવા લાઇન ઓફ ક્રેડિટ લેવાની સત્તા કમિશનરને આપવામાં આવી છે. આ ઉપરાંત, કર્મચારીઓની બઢતી અને પગાર સુધારાની દરખાસ્તોને પણ મંજૂરી આપી દેવામાં આવી છે. મનસુખભાઈ છાપીયા ટાઉનશીપની દુકાનોની હરાજી કરીને ₹3.42 કરોડની આવક કરશે. રેસકોર્ષ સ્થિત ફૂટબોલ ગ્રાઉન્ડ કોચિંગ માટે ભાડે આપી ₹16.61 લાખ અને પ્રાણીઉદ્યાન નજીક ફૂડકોર્ટનું સંચાલન ભાડે આપશે જેમાંથી ₹10.72 લાખની આવક ઉભી કરશે. રાજકોટમાં અત્યારે અમૃત 2.0 યોજના હેઠળ રૂપિયા 1274.55 કરોડના વિકાસ કામો ચાલી રહ્યા છે. મનપાએ પોતાના ફાળા પેટે રૂ. 482.33 કરોડ આપવાના રહે છે. જેમાંથી રૂ. 100 કરોડ મ્યુનિસિપલ બોન્ડથી મેળવાયા છે. વધતા જતા મહેકમ ખર્ચને પહોંચી વળવા માટે મ્યુનિસિપલ કમિશનર તુષાર સુમેરાએ રૂ. 200 કરોડની લોન લેવા માટે દરખાસ્ત કરી છે.

સ્ટેન્ડિંગમાં મંજૂર થયેલી મુખ્ય દરખાસ્તો
ક્ષ 48 લાખના ખર્ચે મહિલા કોલેજ અંડરબ્રિજથી જનકલ્યાણના નાલા સુધી પાઈપ ગટરનું કામ
ક્ષ અંબિકા ટાઉનશીપમાં 18.26 લાખના ખર્ચે પેટા વોર્ડ ઓફિસ બનશે
ક્ષ 2.06 કરોડના ખર્ચે કણકોટ રોડથી ન્યારી ડેમના રોડને ડેવલપ કરાશે
ક્ષ મવડીના સવન ચોકમાં 1.02 કરોડના ખર્ચે
નવું ગાર્ડન બનાવાશે
ક્ષ નાકરાવાડી સાઈટ માટે 68.45 લાખના ખર્ચે 2 લોડર બેકહો વાહન (જેસીબી) ખરીદાશે
ક્ષ માધાપર વિસ્તારમાં 1.73 કરોડના ખર્ચે શેરીઓ અને રસ્તામાં મેટલિંગનું કામ કરાશે
ક્ષ વોર્ડ નં-14માં નટેશ્વર મંદિરથી લક્ષ્મીવાડી પુલ સુધી વોકળામાં 2.94 કરોડના ખર્ચે સીસીનું કામ
ક્ષ રૈયાધાર વિસ્તારમાં મારવાડીવાસથી ડ્રીમ સિટી રોડ સુધી ડી.આઈ. પાઈપલાઈન બિછાવાશે
ક્ષ આજી ડેમ વાલ્વ ટાવર અને બેડી ફિલ્ટર પ્લાન્ટ સુધી 8.31 કરોડના ખર્ચે પાઈપલાઈન પથરાશે
ક્ષ વોર્ડ નં-11માં 4.13 કરોડના ખર્ચે પેવિંગ બ્લોક નખાશે
ક્ષ નાનામવામાં બાલાજી હોલથી ધોળકિયા સ્કૂલ સુધી 2.85 કરોડના ખર્ચે સીસી રોડ બનશે

રણછોડનગરની શાળાનું મકાન 2500ના માસિક ટોકન દરે 30 વર્ષ માટે લીઝ પર અપાશે
રાજકોટ મહાનગરપાલિકા દ્વારા શહેરના જૂના વિસ્તારોમાં શિક્ષણ સંસ્થાઓના મકાનોના શ્રેષ્ઠ ઉપયોગ માટે એક મહત્વની દરખાસ્ત મંજૂર કરવામાં આવી છે. વોર્ડ નં. 05 (જૂના વોર્ડ નં. 07) ના રણછોડનગર શેરી નં. 10 ખાતે આવેલું પાલિકાની માલિકીનું માધ્યમિક શાળાનું મકાન હવે શૈક્ષણિક હેતુ માટે ફાળવવામાં આવશે. આ મકાન માત્ર ₹2500ના માસિક ટોકન દરે 30 વર્ષની લાંબી લીઝ પર આપવાનો નિર્ણય લેવાયો છે. પાલિકાના આ પગલાથી વિદ્યાર્થીઓને સ્થાનિક સ્તરે ગુણવત્તાયુક્ત શિક્ષણની વધુ સારી સુવિધા મળી રહેશે અને સરકારી મિલકતનો લોકહિતમાં સદુપયોગ થશે.
આ દરખાસ્ત છેલ્લી ચાર સ્ટેન્ડિંગ બેઠકથી પેન્ડિગ રહેતી હતી. જયારે આજે દરખાસ્તને મંજૂર કરી દેવામાં આવી છે. અગાઉ 251 રૂપિયાના લીઝ પર ભાડે આપવામાં આવી હતી. જયારે આ વખતે તેમાં 100 ટકાનો વધારો કરીને રૂપિયા 2500ના માસિક ટોકન દરે 30 વર્ષ માટે લીઝ પર આપવામાં આવી છે.