છેલ્લા ઘણા દિવસોથી સોનાના ભાવમાં વધઘટ જોવા મળી રહી છે. ત્યારે આજે ભાવમાં વધારો થયો હતો. આજે સોનાનો ભાવ 80,100 રૂપિયા પર ટ્રેડ થઇ રહેલો જોવા મળ્યો છે.
આજે 5 માર્ચ 2025 ના રોજ સોનાના ભાવમાં વધારો થયો હતો. 10 ગ્રામ સોનાના ભાવમાં 700 રૂપિયાનો વધારો થયો છે. બુધવારે દેશના મુખ્ય શહેરોમાં 24 કેરેટ સોનાનો ભાવ 87,200 રૂપિયાની આસપાસ અને 22 કેરેટ સોનાનો ભાવ 80,100 રૂપિયાની ઉપર ટ્રેડ થઈ રહ્યો છે. એક કિલો ચાંદીનો ભાવ 96,800 રૂપિયાના સ્તરે છે.
- Advertisement -
સોનું કેમ મોંઘુ થયું?
સોનાના ભાવમાં તાજેતરના વધારા પાછળ વૈશ્વિક આર્થિક અસ્થિરતા અને વેપાર તણાવ મુખ્ય કારણો છે. યુએસ રાષ્ટ્રપતિ ડોનાલ્ડ ટ્રમ્પ દ્વારા કેનેડા, મેકિસકો અને ચીન પર નવા ટેરિફની જાહેરાત કર્યા પછી આંતરરાષ્ટ્રીય બજારમાં અનિશ્ચિતતા વધી ગઈ, જેના કારણે રોકાણકારો સુરક્ષિત સંપત્તિ તરફ વળ્યા. વધતા વેપાર તણાવને કારણે ડોલર પર દબાણ આવ્યું અને રોકાણકારો સુરક્ષિત સંપત્તિ તરીકે સોના તરફ વળ્યા, જેના કારણે તેના ભાવમાં વધારો થયો. વધુમાં, ચીન અને કેનેડા દ્વારા યુએસ ટેરિફનો જવાબ આપવાની જાહેરાતથી પણ બજારમાં અસ્થિરતા વધી, જેના કારણે સોનાની માંગમાં વધારો થયો.
ચાંદીનો ભાવ
- Advertisement -
5 માર્ચ 2025 ના રોજ યાંદીનો ભાવ 96,800 રૂપિયા પ્રતિ કિલો હતો. ગઈકાલની સરખામણીમાં આજે ચાંદીના ભાવમાં 100 રૂપિયાનો ઘટાડો થયો છે. ગઈકાલે ચાંદીનો ભાવ 98.900 રૂપિયા હતો.
સોનાનો ભાવ કેવી રીતે નક્કી થાય છે?
ભારતમાં સોનાના ભાવ ઘણા કારણોસર બદલાય છે જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું ફક્ત રોકાણનું સાધન નથી, પરંતુ તે આપણી પરંપરાઓ અને તહેવારોનો એક મહત્વપૂર્ણ ભાગ પણ છે. ખાસ કરીને લગ્ન અને તહેવારો દરમિયાન તેની માંગ વધે છે.
