ચારધામ યાત્રામાં 24 કલાકમાં સાત શ્રદ્ધાળુઓનું હૃદય બંધ થવાથી મોત
ખાસ-ખબર સંવાદદાતા
છેલ્લા 24 કલાકમાં ચારધામ યાત્રાએ ગયેલા સાત શ્રદ્ધાળુઓનું કાર્ડિયાક અરેસ્ટથી મોત થયું છે. ચારધામ યાત્રામાં અત્યાર સુધીમાં 56 લોકોએ જીવ ગુમાવ્યા છે, જેમાંથી 54 લોકો હાર્ટ એટેકના કારણે હોવાનું જાણવા મળ્યું છે.શુક્રવારે બદ્રીનાથ ધામના દર્શન કરીને જોશીમઠ પરત ફરેલા ભાનુભાઈ (58) પુત્ર નથ્થાભાઈને અચાનક શ્વાસ લેવામાં તકલીફ થઈ હતી. પરિવાર તેને સીએચસી જોશીમઠ લઈ ગયો, જ્યાં ડોક્ટરોએ તેને મૃત જાહેર કર્યો. તે જ સમયે, બદ્રીનાથ ધામમાં લગભગ 3.30 વાગ્યે, ગુજરાતની રહેવાસી મહિલા તીર્થયાત્રી વીણા બેન (55) ની તબિયત લથડી હતી.
સંબંધીઓ તેને પીએચસીમાં લઈ ગયા, પરંતુ તે પહેલા જ તેનું મોત થઈ ગયું હતું. સીએમઓ ડો.એસપી કુદિયાલે જણાવ્યું હતું કે, બંનેનું હૃદય બંધ થવાને કારણે મૃત્યુ થવાની સંભાવના છે. બીજી તરફ કેદારનાથમાં હાર્ટ એટેકથી બે મુસાફરોના મોત થયા છે. સીએમઓ ડો. બી.કે. શુક્લાએ જણાવ્યું કે, પ્રદીપ કુમાર કુલકર્ણી (61), સુન્દાપાર્ક, પુણે, મહારાષ્ટ્રના રહેવાસી અને બંશી લાલ (57), નિવાસી ગઢચેલી, પોલીસ સ્ટેશન પિપલિયા મંડી મંદસૌર, મધ્યપ્રદેશનું હાર્ટ એટેકથી મોત થયું હતું.. કેદારનાથ યાત્રામાં અત્યાર સુધીમાં કુલ 23 મુસાફરોના મોત થયા છે, જેમાંથી 22ને હાર્ટ એટેક આવ્યો છે. આ સિવાય ઋષિકેશમાં અલગ-અલગ પ્રાંતના ત્રણ તીર્થયાત્રીઓના મોત થયા છે.
