કંગના રનોતની ઈમરજન્સીમાં સતીશ કૌશિકની એન્ટ્રી થઇ ગઇ છે. સતીશ કૌશિક ફિલ્મમાં નેતા જગજીવન રામનો રોલ નિભાવી રહ્યાં છે. કંગનાએ પોસ્ટર શેર કરી ફિલ્મમાંથી સતીશ કૌશિકનો ફર્સ્ટ લુક શેર કર્યો છે.
પોસ્ટરમાં સતીશ કૌશિક બાબુ જી એટલેકે જગજીવન રામની ભૂમિકામાં જોવા મળી રહ્યાં છે. કંગના રનોતની ફિલ્મ ઈમરજન્સીને લઇને સતત ચર્ચા થઇ રહી છે. આ ફિલ્મમાં કંગના ઈન્દિરા ગાંધીનુ પાત્ર ભજવી રહી છે. તે ઈમરજન્સીને ડાયરેક્ટ પણ કરી રહી છે. ધીરે-ધીરે કરીને બોલીવુડ ક્વીન ફિલ્મની સ્ટારકાસ્ટનો ફર્સ્ટ લુક રિવીલ કર્યો છે. અનુપમ ખેર, શ્રેયસ તલપડે અને મહિમા ચૌધરી બાદ ઈમરજન્સીમાં સતીશ કૌશિકની એન્ટ્રી થઇ છે. સતીશ કૌશિક ફિલ્મમાં પૂર્વ નાયબ વડાપ્રધાન જગજીવન રામની ભૂમિકામાં દેખાશે.
- Advertisement -
ઈમરજન્સીમાં સતીશ કૌશિક
કંગના રનોતે ઈમરજન્સીનુ નવુ પોસ્ટર શેર કર્યુ છે. પોસ્ટર શેર કરીને કંગનાએ જણાવ્યું કે ફિલ્મમાં સતીશ કૌશિક જગજીવન રામનુ પાત્ર ભજવી રહ્યાં છે. પોસ્ટરમાં સતીશ કૌશિક આ પાત્રમાં દેખાઈ રહ્યાં છે. તસ્વીર જોઇને પહેલી નજરમાં સતીશ કૌશિકને ઓળખવા ખૂબ જ મુશ્કેલ છે. સતીશ કૌશિકનુ ઈન્ટ્રોડક્શન આપતા કંગના લખે છે, છેલ્લે પરંતુ કમ નહીં. ઈમરજન્સીમાં પાવરહાઉસ ટેલેન્ટ સતીશ કૌશિક જગજીવન રામ તરીકે પાત્ર ભજવશે. જગજીવન રામને બાબુજીના રૂપમાં પણ ઓળખવામાં આવે છે. તેઓ ભારતીય ઈતિહાસના સૌથી સન્માનિત રાજનેતાઓમાંથી એક હતા.
- Advertisement -
View this post on Instagram
50 વર્ષ સુધી કરી હતી રાજનીતિ
દેશના પૂર્વ નાયબ વડાપ્રધાન જગજીવન રામનો જન્મ બિહારના આરામાં થયો હતો. તેમણે પોતાની આખી રાજકીય કારકિર્દીમાં ગરીબોના હિતમાં કામ કર્યુ. આ જ કારણ હતુ કે તેમને ગરીબોના મસીહા પણ કહેવામાં આવતા હતા.