ટેસ્ટ સફળ થશે તો માણસો પણ મોકલાશે, કહ્યું- 20 વર્ષમાં શહેરની સ્થાપના કરવાનું લક્ષ્ય
ખાસ-ખબર ન્યૂઝ અમેરિકા, તા.9
ઈલોન મસ્કની કંપની સ્પેસએક્સ આગામી 2 વર્ષમાં મંગળ પર વિશ્ર્વનું સૌથી શક્તિશાળી સ્ટારશિપ રોકેટ મોકલવા જઈ રહી છે. આ ફ્લાઇટનો હેતુ મંગળ પર સ્ટારશિપના ઉતરાણનું પરીક્ષણ કરવાનો છે. આ યાત્રામાં કોઈ માનવી હાજર રહેશે નહીં. મસ્કે સોશિયલ મીડિયા પ્લેટફોર્મ પર ટ્વીટ કરીને આ જાણકારી આપી હતી
મસ્કે કહ્યું કે જો પ્રથમ ઉડાન અને લેન્ડિંગ સફળ રહેશે તો અમે આગામી 4 વર્ષમાં પ્રથમ ક્રૂને મંગળ પર મોકલીશું. આ પછી સ્ટારશિપને ટૂંકા અંતરે મંગળ પર મોકલવામાં આવશે. અમારું લક્ષ્ય આગામી 20 વર્ષમાં મંગળ પર એક શહેર સ્થાપિત કરવાનું છે. એક કરતાં વધુ ગ્રહો પર રહેવાથી જીવન ચાલુ રહેવાની શક્યતા વધી જશે. આ એટલા માટે છે કારણ કે પછી એક ગ્રહના મૃત્યુને કારણે જીવન સમાપ્ત થવાનો કોઈ ભય રહેશે નહીં. અગાઉ માર્ચમાં મસ્કે કહ્યું હતું કે આગામી 5 વર્ષમાં મંગળ પર એક ક્રુડ વિનાનું સ્ટારશિપ લેન્ડ કરવામાં આવશે. આ પછી, બીજા 2 વર્ષમાં આપણે મંગળ પર મનુષ્ય મોકલીશું. ત્યારબાદ 3 વખત નિષ્ફળ ગયા બાદ જૂનમાં સ્ટારશિપ રોકેટનું સફળ પરીક્ષણ કરવામાં આવ્યું હતું.
- Advertisement -
આ સમય દરમિયાન સ્ટારશિપને અવકાશમાં લઈ જવામાં આવ્યા બાદ પૃથ્વી પર પાછી લાવવામાં આવી હતી અને હિંદ મહાસાગરમાં સફળ ઉતરાણ કરવામાં આવ્યું હતું. પરીક્ષણનો હેતુ એ જોવાનો હતો કે પૃથ્વીના વાતાવરણમાં પ્રવેશ દરમિયાન સ્ટારશિપ ટકી શકે છે કે કેમ.
