નાસા અને અબજોપતિ ઈલોન મસ્કની કંપની સ્પેસએક્સે ગયા વર્ષથી અવકાશમાં ફસાયેલા અંતરિક્ષયાત્રીઓ સુનિતા વિલિયમ્સ અને બુચ વિલ્મોરને પાછા લાવવા માટે ક્રૂ-10 મિશન લોન્ચ કરી દીધું છે. ક્રૂ-10 મિશન પર ડ્રેગન અંતરિક્ષયાનને લઈ જતા ફાલ્કન 9 રોકેટે નાસાના કેનેડી સ્પેસ સેન્ટરથી ઉડાન ભરી હતી.
ગયા વર્ષે જૂનમાં અંતરિક્ષમાં ફસાયા હતા બંને
- Advertisement -
નાસાના અનુભવી અંતરિક્ષયાત્રીઓ સુનિતા વિલિયમ્સ અને બુચ વિલ્મોર ગયા વર્ષે જૂનમાં ISS પર ફસાયા હતા. વિલિયમ્સ અને વિલ્મોર જૂન 2024માં ISSના મિશન પર ગયા હતા, જે આઠ દિવસ માટેનું જ હતું, પરંતુ બોઇંગના સ્ટારલાઇનર અંતરિક્ષયાનમાં ટેક્નિકલ સમસ્યાઓના કારણે બંને ત્યાં અટવાઈ ગયા હતા.
ટૂંક સમયમાં પાછા ફરવાની આશા
NASA એ તેમના મિશન લોન્ચિંગના થોડા કલાકો પહેલા X પર જણાવ્યું હતું કે સફળતાપૂર્વક મિશન લોન્ચ કર્યા બાદ સુનિતા વિલિયમ્સ, બુચ વિલ્મોર થોડા દિવસો બાદ પૃથ્વી પર સફળતાપૂર્વક પાછા ફરશે તેવી આશા છે.
