મોટાભાગની જગ્યાઓ નોન IASથી ભરી કામ ચલાવવામાં આવી રહ્યું છે!
દેશમાં આઈએએસ અધિકારીઓની 22 ટકા ઘટમેં કારણે, રાજ્યોને કેડર પોસ્ટ્સ પર નોન-કેડર અધિકારીઓની નિમણૂક કરવાની ફરજ પડી રહી છે. ભારતીય વહીવટી સેવાની વધતી જતી જરૂરિયાતોને ધ્યાનમાં રાખીને, સંસદીય સ્થાયી સમિતિએ આઈએએસ અધિકારીઓની વાર્ષિક સંખ્યા વધારવા માટે કર્મચારી અને તાલીમ વિભાગને ભલામણ કરી છે. ગત વખતે આઈએએસ અધિકારીઓની વાર્ષિક ભરતી સિવિલ સર્વિસ પરીક્ષા-2012 થી વધારીને 180 કરવામાં આવી હતી. હવે 2022 ની સિવિલ સર્વિસ પરીક્ષામાંથી દર વર્ષે ભરતી થનારા આઈએએસ અધિકારીઓની સંખ્યા નક્કી કરવા માટે યોગ્ય ઉકેલ શોધવાનો પ્રયાસ કરવામાં આવી રહ્યો છે. આ માટે સરકાર દ્વારા એક સમિતિની રચના કરવામાં આવી છે. સંસદીય સ્થાયી સમિતિએ તેના અહેવાલમાં જણાવ્યું હતું કે, બ્યુરોક્રેટ્સની અછત, રાજ્યોને કેડર પોસ્ટ્સ પર નોન-કેડર અધિકારીઓની નિમણૂક કરવા દબાણ કરે છે.
નોન IASને 3 મહિનાથી વધુનું પોસ્ટિંગ આપવા મંજૂરી જરૂરી
ભારતીય વહીવટી સેવા સંવર્ગ નિયમો, 1954 નો નિયમ 9 રાજ્યોને બિન-આઈએએસ અધિકારીઓને કેડર પોસ્ટ્સ પર નિમણૂક કરવાની મંજૂરી આપે છે જો ખાલી જગ્યા ભરવા માટે યોગ્ય કેડર અધિકારી ઉપલબ્ધ ન હોય. જો નોન-કેડર અધિકારીને આઈએએસ કેડરની પોસ્ટમાં 3 મહિનાથી વધુ સમય સુધી રહેવું હોય તો તેના માટે રાજ્ય સરકારે કેન્દ્ર પાસેથી પૂર્વ મંજૂરી લેવી પડશે.
- Advertisement -
દેશમાં IASની 1500 જગ્યાઓ ખાલી
કર્મચારીઓ, જાહેર ફરિયાદો, કાયદો અને ન્યાય અંગેની સંસદની સ્થાયી સમિતિએ ગયા અઠવાડિયે સંસદમાં 112મો અહેવાલ રજૂ કર્યો હતો. આ અહેવાલ મુજબ, આઈએએસ અધિકારીઓની અધિકૃત સંખ્યા 6,746 છે. જેમાં ભારતીય નાગરિક સેવા પરીક્ષા દ્વારા બઢતી પામેલા અધિકારીઓ માટે 4,682 અને રાજ્ય સિવિલ સેવાઓમાંથી આઈએએસ કેડરમાં બઢતી પામેલા અધિકારીઓની 2,064 જગ્યાઓનો સમાવેશ થાય છે. હાલમાં, પોસ્ટ કરાયેલ આઈએએસ અધિકારીઓની સંખ્યા માત્ર 5,231 છે, જેમાંથી 3,787 સીધી ભરતી દ્વારા આઈએએસ કેડરમાં જોડાયા છે અને 1,444ને રાજ્ય સિવિલ સેવાઓમાંથી બઢતી આપવામાં આવી છે.
કાશ્મીરમાં સૌથી વધુ 57% જગ્યાઓ ખાલી
રાજ્ય મુજબના આંકડાઓ પર નજર કરીએ તો, જમ્મુ અને કાશ્મીરમાં 57% ખાલી છે, ત્યારબાદ ત્રિપુરામાં 40%, નાગાલેન્ડમાં 37.2%, કેરળમાં 32% અને ઝારખંડમાં 31% જગ્યાઓ ખાલી છે. આઈએએસ ખાલી પોસ્ટની સૌથી ઓછી ટકાવારી ધરાવતા રાજ્યોમાં તમિલનાડુમાં 14.3%, મધ્યપ્રદેશમાં 14.7%, હરિયાણામાં 15.8% અને ઉત્તર પ્રદેશમાં 15.9% ટકા જગ્યા ખાલી છે. સંસદીય સ્થાયી સમિતિ દ્વારા રજૂ કરાયેલા અહેવાલમાં કહેવામાં આવ્યું છે કે કેટલાક રાજ્યોમાં કેટલાક કિસ્સાઓમાં આઈએએસ કેડરના પદો પર નોન આઈએએસ અધિકારીઓની નિમણૂક કરવામાં આવી રહી છે.
આ પણ વાંચો: આજથી પેટ્રોલ 30 પૈસા અને ડીઝલ 35 પૈસા વધુ મોંઘુ
https://khaskhabarrajkot.com/2022/03/28/from-today-petrol-will-be-30-paise-and-diesel-35-paise-more/
