પોલીસે લલિત ઝા નામના યુવકની શોધખોળ કરી રહી છે, જે સંસદભવનની અંદર અને બહાર હંગામો મચાવનારા તમામ આરોપીઓના મોબાઈલ ફોન લઈને ફરાર થયો છે.
22 વર્ષ પહેલા 13 ડિસેમ્બર 2001ના રોજ ભારતીય સંસદને આતંકવાદીઓએ નિશાન બનાવી હતી. લશ્કર-એ-તૈયબા અને જૈશ-એ-મોહમ્મદના 5 આતંકવાદીઓએ સંસદ ભવન પર હુમલો કર્યો હતો. ગઈ કાલે જ્યારે આપણા લોકતંત્રના મંદિર પર થયેલા ઘાતકી આતંકવાદી હુમલાની 22મી વરસી પર શહીદોને યાદ કરી રહ્યો હતો. તેજ દિવસે ફરી એકવાર નવા બનેલા સંસદ ભવનમાં સુરક્ષામાં મોટી ચુક જોવા મળી હતી. આ કેસમાં અત્યાર સુધીમાં કુલ 6 આરોપીઓની ધરપકડ કરવામાં આવી છે. જ્યારે એક આરોપી હજુ પણ ફરાર છે. દિલ્હી પોલીસના સ્પેશિયલ સેલે IPCની કલમ 452 અને 120-B ઉપરાંત UAPAની સંબંધિત કલમો હેઠળ કેસ નોંધ્યો છે.
- Advertisement -
જૂતામાં કલર સ્પ્રે લઈ જવાયો હતો
લોકસભા ચેમ્બરની પ્રેક્ષક ગેલેરીમાં બેઠેલા બે વ્યક્તિઓ સાંસદો જ્યાં બેઠા હતા તે મુખ્ય વિસ્તારમાં કૂદી પડ્યા હતા. તેમણે પોતાના જૂતામાંથી કલર સ્પ્રે કાઢીને છાંટવાનું શરૂ કર્યું અને સૂત્રોચ્ચાર કર્યા હતાં.. સાંસદોએ તરત જ બંને યુવકોને કાબૂમાં લીધા અને સુરક્ષાકર્મીઓને સોંપી દીધા હતાં. બંને યુવકોની ઓળખ સાગર શર્મા અને મનોરંજન ડી તરીકે થઈ છે. જ્યારે આ ઘટના લોકસભાની અંદર બની રહી હતી તે જ સમયે એક પુરુષ અને એક મહિલા સંસદ ભવન બહાર ડબ્બાઓમાંથી રંગીન ગેસ છાંટી રહ્યા હતા અને સૂત્રોચ્ચાર કરી રહ્યા હતા. તેમને પણ કસ્ટડીમાં લેવામાં આવ્યો છે. બંનેની ઓળખ અમોલ શિંદે અને નીલમ દેવી તરીકે થઈ છે.
લલિત ઝા નામના યુવકની શોધખોળ ચાલુ
વિકી શર્મા અને તેની પત્ની વૃંદાની પોલીસે ગુરુગ્રામમાંથી ધરપકડ કરી છે. આ તમામ આરોપીઓ વિક્કીના ઘરે રોકાયા હતા. પોલીસ લલિત ઝા નામના યુવકને શોધી રહી છે. જે સંસદભવનની અંદર અને બહાર હંગામો મચાવનારા તમામ આરોપીઓના મોબાઈલ ફોન લઈને ફરાર છે. સાગર શર્મા વિઝિટર ગેલેરીમાં મૈસુરના ભાજપના લોકસભા સભ્ય પ્રતાપ સિંહાના મહેમાન તરીકે આવ્યા હતા. 35 વર્ષીય મનોરંજન ડી કર્ણાટકના મૈસુરના રહેવાસી છે. તેમણે વિવેકાનંદ યુનિવર્સિટી, બેંગલુરુમાંથી કોમ્પ્યુટર સાયન્સમાં એન્જિનિયરિંગની સ્નાતકની ડિગ્રી મેળવી છે.
તમામ આરોપીઓ સોશિયલ મીડિયા પેજ ભગત સિંહ ફેન ક્લબ સાથે જોડાયેલા હતા. આ બધાની મુલાકાત લગભગ દોઢ વર્ષ પહેલા મૈસુરમાં થઈ હતી.
2. આ વર્ષે માર્ચમાં બજેટ સત્ર દરમિયાન મનોરંજન ડી બેંગલુરુથી દિલ્હી આવ્યા હતા અને મુલાકાતી પાસ સાથે સંસદ ભવનની મુલાકાત લીધી હતી.
3. સાગર જુલાઈમાં લખનૌથી દિલ્હી આવ્યો હતો. પરંતુ સંસદભવનની અંદર જઈ શક્યા ન હતા. તેણે બહારથી જ રેકી કરી હતી.
4. રેકી દરમિયાન મનોરંજન ડીને ખબર પડી કે જૂતાની બરાબર તપાસ કરવામાં આવતી નથી.
5. 10 ડિસેમ્બરના રોજ એક પછી એક બધા પોતપોતાના રાજ્યોમાંથી દિલ્હી પહોંચ્યા, મનોરંજન ફ્લાઇટ દ્વારા દિલ્હી આવ્યો.
6. તમામ આરોપી 10 ડિસેમ્બરની રાત્રે ગુરુગ્રામમાં વિકી અને વૃંદાના ઘરે પહોંચ્યા હતા. લલિત ઝા પણ મોડી રાત્રે ગુરુગ્રામ પહોંચ્યા હતા.
7. અમોલ શિંદે મહારાષ્ટ્રથી રંગીન ફટાકડા લાવ્યો હતો. સાગર શર્માએ 13મી ડિસેમ્બરે સવારે 9 વાગે મહાદેવ રોડ પરથી સાંસદ પ્રતાપ સિંહાના પીએ પાસેથી પાસ મેળવ્યો હતો.
8. તમામ આરોપીઓને ઈન્ડિયા ગેટ પર મળ્યા હતા. અહીં અમોલ શિંદેએ દરેકને રંગીન ફટાકડા વહેંચ્યા હતા.
9. સાગર શર્મા અને મનોરંજન ડી 13 ડિસેમ્બરે બપોરે 12 વાગે સંસદ ભવનમાં પ્રવેશ્યા.
10. જ્યારે લલિત ઝા તેમનો વીડિયો બનાવી રહ્યા હતા ત્યારે અમોલ અને નીલમ સંસદ ભવન બહાર હંગામો મચાવી રહ્યા હતા.
