વીડિયો કોન્ફરન્સિંગ સર્વિસ કંપની ઝૂમના સીઈઓ એરિક યુઆને એક બ્લોગમાં લખ્યું છે કે ‘વૈશ્વિક અર્થવ્યવસ્થામાં અનિયમિતતા અને ગ્રાહકો પર તેની અસરને કારણે અમારે કઠિન પરંતુ જરૂરી પગલાં લેવા પડશે
સમગ્ર વિશ્વમાં મંદીની અસર જોવા મળી રહી છે. આ જ કારણ છે કે વિશ્વભરમાં ઘણી કંપનીઓ તેમના સ્ટાફની છટણીમાં વ્યસ્ત છે. હવે આ લિસ્ટમાં ટેક કંપની Zoomનું નવું નામ પણ જોડાયું છે. ઝૂમે 1300 કર્મચારીઓની છટણી કરવાનો નિર્ણય લીધો છે. આ કંપનીના કુલ કર્મચારીઓના 15 ટકા છે. કંપનીના સીઈઓ એરિક યુઆને કંપનીની વેબસાઈટ પર એક બ્લોગ પોસ્ટ કરીને આ માહિતી આપી છે. એરિક યુઆનની આ જાહેરાતની અસર પણ જોવા મળી હતી અને મંગળવારે નાસ્ડેક પર ઝૂમના શેરમાં 8 ટકાનો વધારો થયો હતો.
- Advertisement -
કોરોનાકાળ દરમિયાન ઘણી ટેક કંપનીઓએ અદ્ભુત વૃદ્ધિ કરી હતી અને ઝૂમ પણ તેમાંથી એક હતી. કોરોના વાયરસના સંક્રમણ દરમિયાન જ્યારે આખું વિશ્વ ઘરોમાં કેદ હતું, ત્યારે ઝૂમનો ધંધો ચરમસીમાએ હતો અને ઘરો અને ઓફિસો વગેરેમાં ઝૂમનો વ્યાપક ઉપયોગ થઈ રહ્યો હતો. જોકે હવે સ્થિતિ સામાન્ય હોવાથી કંપની મંદીનો સામનો કરી રહી છે. વીડિયો કોન્ફરન્સિંગ સર્વિસ કંપની ઝૂમના સીઈઓ એરિક યુઆને એક બ્લોગમાં લખ્યું છે કે ‘વૈશ્વિક અર્થવ્યવસ્થામાં અનિયમિતતા અને ગ્રાહકો પર તેની અસરને કારણે અમારે કઠિન પરંતુ જરૂરી પગલાં લેવા પડશે.
ઉલ્લેખનીય છે કે, કોરોના મહામારી બાદ વિશ્વભરમાં મંદીની અસર વધી રહી છે અને માત્ર જાન્યુઆરી મહિનામાં જ વિવિધ ટેક કંપનીઓ દ્વારા લગભગ 50 હજાર કર્મચારીઓને નોકરીમાંથી કાઢી મૂકવામાં આવ્યા છે. ડેલે સોમવારે 6600 કર્મચારીઓની છટણી કરવાની પણ જાહેરાત કરી છે. ગૂગલે પણ 12 હજાર લોકોની છટણીની જાહેરાત કરી છે. તે જ સમયે, માઇક્રોસોફ્ટ 10,000 કર્મચારીઓની છટણી કરવાની પણ યોજના બનાવી લીધી છે.
