ખાસ-ખબર ન્યૂઝ નવી દિલ્હી, તા.17
મુંબઈ ક્રિકેટ એસોસિએશન (MCA) દ્વારા રોહિત શર્માને પ્રતિષ્ઠિત વાનખેડે સ્ટેડિયમમાં તેમના નામ પર એક સ્ટેન્ડ આપીને સન્માનિત કરવામાં આવ્યા હતા. શુક્રવારે સત્તાવાર ઉદ્ઘાટન સમારંભ યોજાયો હતો, જેમાં રોહિતના માતા-પિતા, પૂર્ણિમા અને ગુરુનાથ શર્માને ’રોહિત શર્મા સ્ટેન્ડ’નું અનાવરણ કરવા માટે ઔપચારિક બટન દબાવવા માટે સ્ટેજ પર આમંત્રિત કરવામાં આવ્યા હતા. રોહિતની પત્ની રિતિકા, જે તેમના શાનદાર કારકિર્દી દરમિયાન રોહિતની પડખે ઉભી રહી છે, તેમના પતિના નામવાળા ભવ્ય સ્ટેન્ડનું સત્તાવાર ઉદ્ઘાટન થતાં તેઓ રડી પડ્યા હતા. ખઈઅ એ અગાઉ તેની વાર્ષિક સામાન્ય સભા દરમિયાન ત્રણ દિગ્ગજ હસ્તીઓના નામ પર સ્ટેન્ડ રાખવાનો ઠરાવ પસાર કર્યો હતો: રોહિત શર્મા, ભૂતપૂર્વ ભારતીય કેપ્ટન અજિત વાડેકર અને ભૂતપૂર્વ MCA પ્રમુખ શરદ પવાર. આ સાથે, રોહિત સચિન તેંડુલકર, સુનીલ ગાવસ્કર, દિલીપ વેંગસરકર અને વિજય મર્ચન્ટ જેવા મુંબઈના મહાન ક્રિકેટરોની ચુનંદા લીગમાં જોડાયો છે, જેમના વાનખેડે ખાતે તેમને સમર્પિત સ્ટેન્ડ છે.
