જાણી લ્યો આ મહા શિવરાત્રી પર શિવલિંગ પર જલાભિષેક કરવાનું શુભ મુહૂર્ત

શિવરાત્રિ પર ભગવાન શિવને જળ ચઢાવવાથી ન ફક્ત આધ્યાત્મિક ઉન્નતિ મળે છે ફણ જીવનમાં સુખ, શાંતિ અને સમૃદ્ધિ પણ આવે છે. મહાદેવને યોગ્ય રીતે જળાભિષેક કરવામાં આવે તો પ્રભુની કૃપા બની રહે છે અને તે ભક્તોના તમામ વિઘ્નો દૂર કરી તમામ ઈચ્છાઓની પૂર્તિ કરે છે.

1. શિવલિંગ જલાભિષેક કેવી રીતે કરવો:
શિવરાત્રિ, ભગવાન શિવની ઉપાસનાનો સૌથી વિશેષ દિવસ છે. જ્યારે ભક્ત શ્રદ્ધા અને વિશ્વાની સાથે મહાદેવને જળ અર્પિત કરે છે, આ દિવસે ખાસ ઉપવાસ, પૂજા અને ધ્યાન કરે છે ત્યારે મહાદેવના આશીર્વાદ પ્રાપ્ત થાય છે. આ સમયે વિભિન્ન નિયમોનુ પાલન કરવામાં આવે છે. શિવલિંગ પર જળ સચઢાવતા સમયે કેટલીક મહત્વપૂર્ણ વાતોનું ધ્યાન રાખવાની જરૂર છે. જેથી પૂજાનુ યોગ્ય ફળ મળે. આવો જાણીયે શું છે આ નિયમો. ભગવાન શિવને પાણી કેવી રીતે અર્પણ કરવું

2. મહાદેવને જળ ચઢાવવાના નિયમ
મહાદેવને જળ ચઢાવવા માટે કેટલાક ખાસ નિયમોનું પાલન કરવામાં આવે છે. સૌ પ્રથમ, ધ્યાનમાં રાખો કે ભગવાન શિવનો જલાભિષેક ગંગાજળ, સ્વચ્છ પાણી અથવા ગાયના દૂધથી કરવો જોઈએ. પાણીનો પ્રવાહ હંમેશા પાતળો અને ધીમો હોવો જોઈએ, કારણ કે ખૂબ ઝડપથી પાણી રેડવું સારું માનવામાં આવતું નથી. જલાભિષેક કરતી વખતે, તમારે હંમેશા પૂર્વ દિશામાં મુખ કરીને પાણી અર્પણ કરવું જોઈએ. આ ઉપરાંત, જલાભિષેક કરતી વખતે, તમારે ઝૂકીને અથવા બેસીને પૂજા કરવી જોઈએ.

3. શિવલિંગ પર કઈ વસ્તુઓ અર્પણ કરવી જોઈએ?
ભગવાન શિવના અભિષેકની સાથે, કેટલીક અન્ય ખાસ વસ્તુઓ પણ ચઢાવવામાં આવે છે, જે પૂજાને વધુ પવિત્ર બનાવે છે. શિવ પૂજામાં બીલીપત્ર, ધતુરા, આકના ફૂલો અને શમીના પાનનો મુખ્ય સમાવેશ થાય છે. તેમનો પ્રસાદ શુભ અને ફળદાયી માનવામાં આવે છે. પરંતુ ધ્યાનમાં રાખો કે પૂજામાં તુલસી, સિંદૂર, નારિયેળ, શંખ અને કેતકીના ફૂલોનો ઉપયોગ થતો નથી, કારણ કે ભગવાન શિવની પૂજામાં આને પ્રતિબંધિત માનવામાં આવે છે.

4. શિવલિંગની પરિક્રમાનું મહત્વ
જ્યારે પણ તમે ભગવાન શિવનો જલાભિષેક કરો છો, ત્યારે ખાતરી કરો કે તમે શિવલિંગની પરિક્રમા કરો છો. હંમેશા શિવલિંગની ડાબી દિશામાં પરિક્રમા કરો અને તેને ફક્ત અડધા ગોળ સુધી મર્યાદિત રાખો. આ સમય દરમિયાન, વ્યક્તિએ જલહરી પાર ન કરવી જોઈએ, કારણ કે આમ કરવું અશુભ માનવામાં આવે છે.

5. મહાશિવરાત્રિ 2025 તારીખ અને સમય
મહાશિવરાત્રિનો તહેવાર 26 ફેબ્રુઆરી 2025 ના રોજ ઉજવવામાં આવશે, જે સવારે 11:08 વાગ્યે શરૂ થશે અને 27 ફેબ્રુઆરીના રોજ સવારે 8:54 વાગ્યા સુધી ચાલુ રહેશે. આ દિવસે જલાભિષેક માટે ખાસ શુભ સમય નક્કી કરવામાં આવ્યા છે.

6. જલાભિષેક માટે શુભ મુહૂર્ત
સવારે જલાભિષેક માટે શુભ સમય સવારે 6:47 થી 9:42 સુધીનો છે. આ પછી, પાણી ચઢાવવાનો યોગ્ય સમય સવારે 11:06થી બપોરે 12:35 સુધીનો છે.