જિંદગીની અડધી કમાણી ખર્ચ થઈ જાય તેટલા મોંઘા બન્યા લગ્ન પ્રસંગો
– મીરા ભટ્ટ
લગ્નની સીઝન શરૂ થઈ ચૂકી છે. લગ્ન-મુર્હૂતનો રાફડો ફાટ્યો છે ત્યારે દીકરીના લગ્ન ખૂબ જ ધામધુમથી કરવા દરેક મા-બાપનું સ્વપ્ન હોય છે, પછી એ ગરીબ પરિવાર હોય, મધ્યમ હોય કે શ્રીમંત કુટુંબ હોય. દીકરીના લગ્ન આવતા પિતાના બેન્કનું એકાઉન્ટ ઉદાર રીતે ખુલ્લું થવા લાગે છે. પહેલાંના જમાનામાં લગ્ન 2થી 5 લાખમાં થઈ જતા હતા એટલું જ નહીં પણ પહેલાં પાનેતર પણ એક કે બે હજારમાં આવતા હતા. અને હવે એક-બે હજારની વાત હવે હજારોમાં, લાખોમાં થાય છે. મધ્યમ વર્ગના પરિવારોને અત્યારે સાડીની કિંમતનું ટેગ વાંચીને અચૂક આંચકો લાગે છે. અહીં આપણે માત્ર સાડી જ નહીં પરંતુ લગ્નમાં આવતી દરેક નાની-મોટી જરૂરી- બિનજરૂરી વસ્તુઓની વાત કરીએ છીએ. પહેલાના જમાનામાં લગ્નમાં માત્ર બે મુખ્ય પ્રસંગો રહેતા. જેમાં માંડવો અને બીજા દિવસે લગ્ન થવા. અને હવે મહેંદી, સંગીત સંધ્યા, પ્રિ-વેડિંગ અને એમાં પણ આઉટડોર-ઈનડોર ગીત મહેફિલ, ડાન્સ સહિતના અનેક જુદા જુદા ફેનફતુરો થાય છે. આમાં અધુરામાં પૂરૂં ક્ધયાને અને ક્ધયા પક્ષની દરેક મહિલાઓને તૈયાર થવાનું એનો જુદો ખર્ચ. જેમ શહેર મોટું તેમ લગ્નના ખર્ચા મોટા. જો તમે પેકેજ લો તો બ્રાઈડલને તૈયાર થવાનો ખર્ચ ઓછામાં પતે, નહીં તો એક-એક વસ્તુઓના જુદા જુદા બમણા ભાવ એટલે માત્ર બ્રાઈડલનો તૈયાર થવાનો ખર્ચ જ બેથી પાંચ લાખ સુધી પહોંચી જાય છે. એમાં પણ જેનું સામાજિક સ્ટેટસ, જેની પાસે પૈસાની વધારે સગવડ હોય તેઓ વધારે પૈસા ખર્ચ કરે. થોડા દિવસ પહેલાં મુંબઈના એક દૈનિક વર્તમાન પત્રમાં લેખ હતો કે એક ભાઈ લગ્ન પ્રસંગે ક્ધયાને સાડી પહેરાવતા.
આ ભાઈ જુદી-જુદી સ્ટાઈલમાં સાડી પહેરાવવામાં માહિર હતા અને તેઓ સાડી પહેરાવવાનો ચાર્જ પણ ઉંચો વસૂલતા હતા. છતાં તેમને સાડી પહેરાવવાના એટલા ઓર્ડરો મળતા હતા. તમે પણ આની કિંમત સાંભળી મોંઢામાં આંગળા નાખતા થઈ જશો. જી હા, સાડી પહેરાવવાનો ખર્ચ હતો રૂા. 10,000થી 50,000. આટલામાં તો ક્ધયાનું આખું પેકેજ આવી જાય, જેટલામાં આ ભાઈ સાડી પહેરાવતા હતા. પરંતુ હાલ એવા પણ ઘણા (સુધરેલ વર્ગના લોકો) પરિવારો છે કે જેઓ સાડી પહેરવા આટલી તગડી રકમ ચૂકવે છે. તો શું આપણે ખરેખર સુધરી રહ્યા છીએ? પહેલાંના સમયમાં ફોટોગ્રાફી માત્ર 10,000માં થતી. પાર્લરનો ખર્ચ માંડ ને માંડ પાંચ હજાર. આમ બધું ગણતા ટોટલ એકથી બે લાખમાં લગ્ન સંપન્ન થતાં. જ્યારે હવે બે લાખમાં તો તૈયાર થવાનું પેકેજ મળે છે. અત્યારે લગ્નનો ટોટલ ખર્ચ સારી રીતે કરવા જાઓ તો રૂા. 50 લાખ- કરોડો સુધી પહોંચી જાય છે અને સામાન્ય ઘર ખેંચી-તાણીને પણ લગ્ન કરે તો રૂા. પાંચ લાખ સુધીનો ખર્ચ તો થાય જ. જુદા-જુદા ખર્ચા જોવા જઈએ તો પાર્ટી પ્લોટ, પ્રિ-વેડિંગ શૂટ, ફોટોગ્રાફી, પાર્લર, જમણવાર, ખાણી-પીણી અને કંકોત્રી, ફટાકડાનો ખર્ચ લાખોમાં પહોંચે છે. એટલું જ નહીં પરંતુ લગ્ન કરાવવા માટેના ગોરભાનો (પંડીત) ખર્ચ પણ રૂા. 15000થી 20000 સુધીનો થઈ જાય છે. આમ જોવા જઈએ તો ‘જીંદગીની કમાણી લગ્નમાં સમાણી’ એવું કહેવું પણ મિથ્યા નથી.
- Advertisement -
પહેલાં બે દિવસમાં થતાં લગ્ન હવે પાંચ દિવસ યોજાય છે: સામાન્ય પરિવાર માત્ર પાંચથી સાત લાખમાં પણ લગ્ન કરે છે જ્યારે શ્રીમંત પરિવારોના એક લગ્નનો ખર્ચ 50થી 70 લાખે પહોંચે જાણો…
લગ્નમાં કઈ-કઈ વસ્તુઓ પર લાગે છે કેટલો GST
કપડાં અને ફૂટવેર 5-12 ટકા
ગોલ્ડ જ્વેલરી 3 ટકા
મેરેજ ગાર્ડન 18 ટકા
ટેન્ટ 18 ટકા
લાઈટીંગ 18 ટકા
ડેકોરેશન 18 ટકા
બેન્ડવાજા 18 ટકા
ફોટો-વિડીયો 18 ટકા
કંકોત્રી 18 ટકા
બ્યુટીપાર્લર 18 ટકા
કેટરિંગ 18 ટકા
બસ-ટેકસી સર્વિસ 5 ટકા
સર્વિસની માંગ 106 ટકા વધી
દેશભરમાં 4થી 5 મહીનામાં 25 લાખ લગ્નોના આયોજનો થયા છે જેમાં વેડિંગ સર્વીસની ત્રિમાસીક આધારે માંગમાં 49.7 ટકા વધારો થયો છે. સૌથી વધુ માંગ વધારામાં બેન્ડવાળાની છે જેમાં નાના શહેરોમાં 152 ટકા, મહાનગરોમાં 181 ટકા વધારો થયો છે. સાથે જ બેંકવેટ હોલમાં ક્રમશ: 145 અને 47 ટકા, ડીજેમાં 99 અને 122 ટકા, મેકઅપ આર્ટીસ્ટ 49 અને 37 ટકા, વેડિંગ ફોટોગ્રાફર નાના શહેરોમાં 69 ટકા, વેડીંગ પ્લાનર 39 અને 54 ટકા જ્યારે જ્વેલરીમાં મોટા શહેરોમાં 61 ટકા જેટલી માંગનો વધારો નોંધાયો છે.