આજથી ઈટલીમાં રિલાયન્સ ઈન્ડસ્ટ્રીના ચેરમેન મુકેશ અંબાણીના નાના પુત્ર અનંત અંબાણી અને રાધિકા મર્ચન્ટના બીજા પ્રી-વેડિંગ ફંક્શનની શરૂઆત થવા જઈ રહી છે. અનંત અંબાણીનું બીજું પ્રી-વેડિંગ ફંક્શન 7000 કરોડના લગ્ઝરી ક્રૂઝ શિપ પર થવાનું છે. જેમાં 800 VVIP ગેસ્ટ સામેલ થાય તેવી સંભાવના છે.
આ ગ્રાન્ડ પ્રી-વેડિંગ બેશમાં નેશનલ-ઈન્ટરનેશનલ ઘણી હસ્તિઓ સામેલ થઈ શકે છે. આમાં બોલિવૂડ સ્ટાર્સ, બિઝનેસ ટાયકૂન અને ઈન્ટરનેશનલ હસ્તીઓ સામેલ થશે. આ ફંક્શન સ્ટાર્સથી ભરેલું હશે. સમાચાર મળી રહ્યા છે કે, આ વખતે ફંક્શનમાં ઈન્ટરનેશનલ સ્ટાર શકીરા પણ સામેલ થઈ શકે છે.
- Advertisement -
આ ગ્રાન્ડ ફંક્શન ચાર દિવસ સુધી ક્રૂઝ પર થશે. જે ઈટલીથી ફ્રાન્સની વચ્ચે 4,000 કિલોમીટરથી વધુની યાત્રા કરશે. આ ફંક્શન માટે મહેમાનોની લિસ્ટમાં 800 જેટલા લોકોનો સમાવેશ થાય છે. ક્રૂઝમાં 600 કર્મચારીઓ પણ સામેલ થશે. જે મહેમાનોની સેવા કરશે. જાણકારી પ્રમાણેસ આ સેલિબ્રિટી એસેન્ટ શિપની કિંમત 7 હજાર કરોડ રૂપિયા છે.
