સ્ટીવ જોબ્સની સાઈનવાળો 47 વર્ષ જુનો ચેક હરાજીમાં 87 લાખ રૂપિયામાં વેચાયો!

એન્ટીક વસ્તુઓની હરાજીમાં લાખોની કિંમત હોય છે. પરંતુ તમે માની શકો કે 47 વર્ષ જુના એક કાગળના ટુકડાની કિંમત લાખોમાં હોઈ શકે ? જીહા એપલના કો ફાઉન્ડર સ્ટીવ જોબ્સ દ્વારા સાઈન કરાયેલ ચેક હરાજીમાં 106985 ડોલર અર્થાત 87 લાખ રૂપિયામાં વેચાયો હતો. જયારે આ ચેક પર લખેલી રકમ માત્ર 175 ડોલર એટલે કે 14 હજાર રૂપિયાની હતી. આ ચેક 1976માં એપલના કો ફાઉન્ડર સ્ટીવ જોબ્સ દ્વારા ભરવામાં આવ્યો હતો. આ ચેક કેમ્પ્ટન, રેમ્કે અને પિલર આઈએનસી માટે ભરવામાં આવ્યો હતો. આ ચેક એટલા માટે પણ ખાસ છે જેમાં ઓફિસનું મૂળ સરનામું લખેલું છે.જે એપલનું પહેલું ઓફિશિયલ એડ્રેસ છે.