સુરક્ષિત કન્ટેન્ટને પ્રોત્સાહન આપવા માટે YouTube એ યુથ ડિજિટલ વેલબીઇંગ પહેલની જાહેરાત કરી

યુ ટયુબ માટે યુવાનોની ભલાઈ સૌથી મહત્વની

બાળકો અને યુવાનો માટે આરક્ષિત અને હાઈ કવોલિટીવાળા કન્ટેન્ટ તૈયાર કરવા 10 દેશોના કન્ટેન્ટ નિર્માતાઓ અને ડિસ્ટ્રીબ્યુટર્સ સાથે હાથ મિલાવ્યા

ઓનલાઈન સામગ્રી યુવાનોને શિક્ષિત કરવાની, મનોરંજન કરવાની અને કનેક્ટ કરવાની શક્તિ ધરાવે છે. તેની ક્ષમતાનો મહત્તમ ઉપયોગ કરવા માટે, વિડિઓ સ્ટ્રીમિંગ પ્લેટફોર્મ YouTube એ ઉદ્યોગના અગ્રણીઓ સાથે મળીને યુવા ડિજિટલ વેલબીઇંગ પહેલ રજૂ કરી છે. આ પહેલ ઉચ્ચ-ગુણવત્તાવાળી, વય-યોગ્ય સામગ્રીના વિકાસના એકીકૃત દ્રષ્ટિકોણને સમર્થન આપવા માટે વિશ્વભરના બજાર નેતાઓને એકસાથે લાવે છે જે યુવાનોના જીવન પર સકારાત્મક અસર કરી શકે છે.

યુ ટયુબે બાળકો અને યુવાનો માટે સેફ અને હાઈ-કવોલીટીવાળુ કન્ટેન્ટ તૈયાર કરવા માટે 10 દેશોનાં સ્થાનિક કન્ટેન્ટ નિર્માતાઓ અને ડિસ્ટ્રીબ્યુટરોએ હાથ મિલાવ્યા છે. યુ ટયુબનાં સીઈઓ નીલ મોહને આ યુથ ડિઝિટલ વેલ બીઈંગ ઈનિશીએટિવની જાહેરાત કરી હતી. આ પહેલનો ઉદ્દેશ એક એવુ કન્ટેન્ટ તૈયાર કરવાનો છે જે બાળકો માટે માત્ર મનોરંજક જ નહિં બલકે તેમની વયના હિસાબે સાચો અને સુરક્ષિત પણ હોય. આ નવી પહેલ યુ ટયુબનાં હાલના યુ ટયુબ કિડસ કિડસ અને સુપર વાઈઝડ એકસપિરિયન્સ જેવા પ્રોગ્રામ્સ પર આધારિત છે. પણ તેનાથી બાળકો માટે ઓનલાઈન, કન્ટેન્ટના નવા ધોરણો નકકી કરવામાં આવશે. નીલ મોહને જણાવ્યું હતું કે યુ ટયુબ માટે યુવાનોની ભલાઈ સૌથી મહત્વની છે.

આ પહેલમાં અનેક કંપનીઓ સામેલ છે. જેમાં ચુચુ ટીવી, મન બગ,ખાન એકેડેઝ અને ધી પિંક ફોંગ કંપની જેવી જાણીતી કન્ટેન્ટ નિર્માતા કંપનીઓ પણ છે. પહેલના બે મુખ્ય લક્ષ્યો છે. પ્રથમ બાળકો અને યુવાનોને તેમની વયના અનુસાર ખરો ડિઝીટલ વિકલ્પ આપવો અને ઓનલાઈન ખતરાથી બચાવવાનું છે. બીજુ, હાઈ કવોલિટીવાળા કન્ટેન્ટને પ્રોત્સાહન આપીને બાળકોનો વિકાસ નિશ્ચિત કરવાનો છે. જે અંતર્ગત સંવેદનશીલ વિષયોવાળા કન્ટેન્ટ માટે વયના હિસાબે સેટીંગ્સ બનાવાશે. સંભવિત રૂપે નુકશાનકારક કન્ટેન્ટ પર નિયંત્રણ લગાવવામાં આવશે.