મેંદરડા ખાતે કેન્દ્રીયમંત્રી મનસુખ માંડવીયાની ઉપસ્થિતિમાં તાલુકા કક્ષાનો સેવા સેતુ કાર્યક્રમ યોજાયો

મેડિકલ કેમ્પ ,દિવ્યાંગ સહાય વિતરણ અને વિકાસના કામોના ખાતમુહૂર્ત લોકાર્પણ

ખાસ-ખબર ન્યૂઝ જૂનાગઢ, તા.29
જૂનાગઢ જિલ્લાના મેંદરડા ખાતે આજ રોજ તાલુકા કક્ષાનો સેવાતુ કાર્યક્રમ યોજાયો હતો. આ કાર્યક્રમમાં કેન્દ્રીય મંત્રી ડો. મનસુખ માંડવીયાની ઉપસ્થિત રહ્યા હતા. આ સેવાસેતુ કાર્યક્રમમાં મેડિકલ કેમ્પ, દિવ્યાંગ સાધન સહાય વિતરણ અને વિકાસના વિવિધ કામોનું ખાતમુહર્ત અને લોકાર્પણ કરવામાં આવ્યું હતું.

રાજ્યના વહીવટમાં પારદર્શિતા વધે તેમજ પ્રજાની રજૂઆતોના ઉકેલ માટે તાલુકા કક્ષાએ સેવાસેતુ કાર્યક્રમ આજે 9 જેટલા નિષ્ણાંત ડોક્ટરો દ્વારા મેડિકલ કેમ્પ, એસબીઆઈ અને સીએસઆરના ફંડમાંથી એલીમ્કો કંપની દ્વારા દિવ્યાંગોને સાધન સહાય વિતરણ કાર્યક્રમ મેંદરડાના પટેલ સમાજ, પાદર ચોક ખાતે યોજાયો હતો આ કાર્યક્રમમાં મુખ્ય અતિથિ તરીકે કેન્દ્રીય મંત્રી શ્રમ અને રોજગાર તથા યુવા બાબતો અને રમતગમત વિભાગના ડો. મનસુખ માંડવીયા, અતિથિ વિશેષ તરીકે ઉપસ્થિત રહ્યા હતા આ પ્રસંગે જૂનાગઢ જિલ્લા પંચાયતના પ્રમુખ હરેશ ઠુંમર, માણાવદરના ધારાસભ્ય અરવિંદભાઈ લાડાણી, તાલુકા પંચાયત મેંદરડાના પ્રમુખ જયકિશનભાઇ માકડીયા ઉપસ્થિત રહ્યા હતા.અત્રે ઉલ્લેખનીય છે કે જૂનાગઢ જિલ્લા વહીવટી તંત્ર દ્વારા આયોજિત આ કાર્યક્રમમાં મેંદરડા તાલુકાના 13 ગામોના પ્રજાજનોને સેવા સેતુ તેમજ મેડિકલ કેમ્પનો લાભ લીધો હતો.