2025 હુરુન મહિલા નેતાઓ: 2025 કેન્ડેર હુરુન ઇન્ડિયા મહિલાઓની યાદીમાં રશ્મિકા મંદાના અને દીપિકા પાદુકોણ જેવી ટોચની બોલીવુડ મહિલાઓને પ્રકાશિત કરવામાં આવી છે જેઓ સેલિબ્રિટી પાવરને સ્ટાર્ટઅપ રોકાણોમાં રૂપાંતરિત કરે છે, ભારતના ગ્રાહક, સાંસ્કૃતિક અને ઉદ્યોગસાહસિક લેન્ડસ્કેપને ઇક્વિટી-સંચાલિત, સ્થાપક-નેતૃત્વ સાહસો સાથે ફરીથી આકાર આપે છે.
ઈન્વેસ્ટર્સની લિસ્ટમાં કોટક મહિન્દ્રા બેન્કની શાંતિ એકમ્બ્રમ ટોપ પર : આ ટોપ સેલિબ્રિટી મહિલાઓ ગ્રાહક, સાંસ્કૃતિક, ઉદ્યમશીલતામાં નવો આકાર આપે છે
કેન્ડેરે હુરુન ઈન્ડિયાની 2025ની સૌથી પ્રભાવશાળી મહિલા લીડર્સની યાદીમાં પસંદ કરવામાં આવેલ 38 મુંબઈની મહિલાઓ છે. જયારે ગુજરાતની 7 મહિલાઓનો સમાવેશ થાય છે. આ લિસ્ટમાં પહેલી પેઢીની વેલ્થ ક્રિએટર્સ, સેલિબ્રિટી ઈન્વેસ્ટર, પરોપકારી રમત અને કલા સહિત 9 કેટેગરીમાં પસંદ કરવામાં આવી છે. જેમાં 97 મહિલાઓને જગ્યા મળી છે.
- Advertisement -
સેલિબ્રિટી ઈન્વેસ્ટર્સમાં એકટ્રેસ રશ્મિકા મંદાના, દીપિકા પાદુકોણ, આલિયા ભટ્ટ, પ્રિયંકા ચોપડાનું નામ સામેલ છે. આ ટોપ સેલિબ્રિટી ઈન્વેસ્ટર્સ સેલિબ્રિટી પાવરને સ્ટાર્ટ અપ રોકાણમાં બદલી રહી છે. રશ્મિકા મંદાના 46.1 મિલિયન ફોલોઅર્સ સાથે ટોપ 10માં સૌથી ઓછી વયની સેલિબ્રિટી રોકાણકાર છે. મહિન્દ્રા બેન્કની ડેપ્યુટી મેનેજીંગ ડિરેકટર શાંતિ એકાંબ્રમે હુરુન ઈન્ડિયાની તાજેતરની રેન્કીંગમાં દેશની ટોપ મહિલા વ્યાવસાયિકોની લિસ્ટમાં પહેલા નંબરે છે.
નેકસ્ટ જનરેશનમાં સૌથી પ્રભાવશાળી મહિલા લીડર્સમાં એચસીએલ ટેકની ચેર પર્સન રોશની નાદર મલ્હોત્રા ટોપ પર રહે. 43 વર્ષીય નાદર એચસીએલ ટેકની આગેવાની કરે છે, જેની માર્કેટ કેપ 4.78 લાખ કરોડ રૂપિયા છે. રોશની બાદ 35 વર્ષીય પ્રિયા અગ્રવાલ હેબ્બાહ હિન્દુસ્તાન ઝીંકની ચેરપર્સન છે, જેની માર્કેટ કેપ 1.97 લાખ કરોડ રૂપિયા છે. ત્રીજા સ્થાને ગોદરેજ કન્ઝયુમર પ્રોડકટસની કાર્યકારી અધ્યક્ષ નિસાબા ગોદરેજ છે.
My Glammની શ્રદ્ધા કપુરે પણ આ લિસ્ટમાં જગ્યા બનાવી છે. આ ટોપ સેલિબ્રિટી ગ્રાહક, સાંસ્કૃતિક અને ઉદ્યમશીલતાને નવો આકાર આપી રહી છે. ઈન્વેસ્ટર્સની લિસ્ટમાં એડવેન્ટ ઈન્ટરનેશનલની શ્વેતા જાલાન, યંગ મહિલા લીડર્સની લિસ્ટમાં સ્કિલ મેટિકસની દેવાંશી કેજરીવાલે જગ્યા બનાવી છે.
- Advertisement -
નાયકાની ફાલ્ગુની નૈયર, અપસ્ટોકસની કવિતા સુબ્રમણ્યન અને નાઈટ રાઈડર્સની સ્પોર્ટસની જુહી ચાવલા મુંબઈની ત્રણ ફર્સ્ટ જનરેશન વેલ્થ ક્રિએટર્સ છે, જયારે નેકસ્ટ જનરેશન લિડર્સમાં પ્રિયા અગ્રવાલ હેબ્બાર, નિસાબા ગોદરેજ, ફરાહ મલિક ભાંજી, નંદિની પીરામલ અને તાન્યા દુબાશ સામેલ છે.
