સ્વીડનમાં વધુ એકવાર જાહેરમાં કુરાન સળગાવાયુ: ઇસ્લામિક સહયોગ સંગઠને ઇમરજન્સી બેઠક બોલાવી

-સભ્ય દેશોને સ્વીડન વિરૂધ્ધ રાજનીતિક સ્તરે કાર્યવાહી કરવાનું આહ્વાન

સ્વીડનમાં ફરી એકવાર રાજધાની સ્ટોકહોમમાં સંસદની સામે ઇસ્લામ ધર્મના પવિત્ર ગ્રંથ કુરાનને સળગાવવામાં આવ્યું હતું. જેમાં મુસ્લિમ દેશોમાં ઘેરા પ્રત્યાઘાત પડયા હતા. આ અંગે ઇસ્લામિક સહયોગ સંગઠને ઇમરજન્સી બેઠક બોલાવી આ ઘટના પર સભ્ય દેશોને સ્વીડન સામે રાજનીતિક સ્તરે કાર્યવાહી કરવાની અપીલ કરી હતી. ઇસ્લામિક દેશોના વારંવાર વિરોધ છતા સ્વીડનમાં કુરાન સળગાવવાની ઘટનાઓ અટકી નથી રહી.

પોલીસની પરવાનગી બાદ સોમવારે એકવાર ફરીથઈ સ્વીડનમાં કુરાન સળગાવવામાં આવી. આ વખતે કુરાન રાજધાની સ્ટોકહોમમાં સ્વીડનની સંસદની સામે સળગાવવામાં આવી હતી. કુરાન સળગાવવાની ઘટનાના વિરોધમાં સોમવારે જ ઇસ્લામિક દેશોના સૌથી મોટા સંગઠન ઇસ્લામિક સહયોગ સંગઠને ઇમરજન્સી બેઠક બોલાવી હતી.

જેમાં સઉદી અરબના વિદેશ મંત્રી ફૈજલ બિન ફરહાને કુરાન સળગાવવાની ઘટના અંગે સ્વીડન અને ડેનમાર્કની પ્રતિક્રિયા પર નિરાશા વ્યક્ત કરી હતી. સઉદી અરબની સમાચાર એજન્સી સઉદી પ્રેસ એજન્સી અનુસાર પ્રિંસ ફૈઝલે કુરાનની પવિત્રતા પર થનારા હુમલાની નિંદા કરી હતી. એસપીએએ જણાવ્યું કે, મંત્રીએ નૈતિક મુલ્ય રીતે અભિવ્યક્તિની સ્વતંત્રતાના મહત્વ પર જોર દિધું જે સાંસ્કૃતિઓ અને દેશોની વચ્ચે નફરત અને વિવાદ પેદા કરવાના બદલે લોકો વચ્ચે સમ્માન અને સહ અસ્તિત્વને વધારે છે.

તેમણે નફરત ફેલાવવા, હિંસા અને ઉગ્રવાદને વધારનારા કૃત્યોની નિદા કરતા સહિષ્ણુતા અને સંયમના મુલ્યોને આગળ વધારવાના મહત્વપર જોર આપ્યું. બેઠક બાદ ઓઆઇસીએ પોતાના નિવેદનમાં સભ્ય દેશોને અપીલ કરી કે જે દેશોમાં પવિત્ર કુરાનનું અપમાન થઇ રહ્યું છે, સભ્ય દેશો તે દેશોની સાથે પોતાના સંબંધો અંગે યોગ્ય પગલા ઉઠાવે.

નિવેદનમાં કહેવાયું કે, ઓઆઇસીએ કુરાન સળગાવવાની હાલની ઘટનાઓ અંગે મુસ્લિમ દેશોની અસહમતિ વ્યક્ત કરવા માટે મહાસચિવના નેતૃત્વમાં એક પ્રતિનિધિમંડળને યુરોપીય સંઘ પંચની પાસે મોકલવાનો નિર્ણય લેવામાં આવ્યો છે.