ઑનલાઈન ચકાસણી બાદ પ્રમાણપત્ર અપાશે: અરજીના આધારે મંજૂરીનો નિર્ણય
વર્ગ દીઠ રૂ.5 હજાર ફી નક્કી કરતા મંડળોએ નોંધાવ્યો વિરોધ
ખાસ-ખબર સંવાદદાતા
રાજ્યમાં ચાલતી પ્રિ-સ્કૂલોનું આજથી રજીસ્ટ્રેશન થશે. જેમાં માત્ર ઓનલાઈન અરજીના આધારે મંજૂરીનો નિર્ણય લેવાયો છે. તેમાં વર્ગ દીઠ રૂ.5 હજાર ફી નક્કી કરતા મંડળોએ વિરોધ નોંધાવ્યો છે. જેમાં ગુજરાત સ્વનિર્ભર શાળા સંચાલક મંડળનો પણ વિરોધ છે.
- Advertisement -
પ્રિ-સ્કૂલ રજિસ્ટ્રેશન ન કરાવવા ત્રણેય મંડળોએ અપીલ કરી છે. જેમાં આજથી પ્રિ સ્કૂલ – બાલવાટિકનું સરકારમાં રજિસ્ટ્રેશન થશે. સરકારે રજિસ્ટ્રેશનમાં વર્ગ દીઠ રૂપિયા 5 હજાર ફી નક્કી કરતા મંડળોએ વિરોધ નોંધાવ્યો છે. તેમાં રજીસ્ટર ભાડા કરારને લઈને પણ મંડળોએ વાંધો ઉપાડ્યો છે. તેમાં અખિલ ગુજરાત, ગુજરાત રાજ્ય અને ગુજરાત સ્વનિર્ભર શાળા સંચાલક મંડળનો વિરોધ છે. તેમજ ઓનલાઈન ચકાસણી બાદ પ્રમાણપત્ર અપાશે. તેમાં 7 જેટલા મુદ્દાઓની ચકાસણી કરવામાં આવશે. રાજ્યમાં હજારોની સંખ્યામાં ખાનગી ધોરણે મંજૂરી વિના પ્રિ-પ્રાયમરી સ્કૂલો નર્સરી, સિનિયર, જૂનિયર કેજી, બાલ વાટીકા ધમધમી રહી છે. આવામાં પ્રિ-પ્રાયમરી સ્કૂલને લઈને રાજ્ય સરકારે નવી પોલિસી બનાવી છે. જે મુજબ રાજ્યમાં હવે પ્રિ-પ્રાયમરી સ્કૂલનું રજિસ્ટ્રેશન કરાવવું પડશે. આ માટે સરકારમાં 5 હજાર રૂપિયા રજિસ્ટ્રેશન ફી પણ ચૂકવવી પડશે. રાજ્ય સરકારની નવી પોલિસીમાં જણાવવામાં આવ્યું છે કે, ગ્રામ વિસ્તારમાં આવેલી પ્રિ-પ્રાયમરી સ્કૂલોનું સંચાલન જિલ્લા શિક્ષણ અધિકારી અને મનપા-નગરપાલિકા વિસ્તારમાં આવેલી નર્સરી, સિનિયર, જુનિયર કેજીનું સંચાલન જિલ્લા પ્રાથમિક શિક્ષણ અધિકારી કરશે.
IITમાં પ્રવેશ માટેની JEE-એડવાન્સ માટે આગામી 21 એપ્રિલથી રજિસ્ટ્રેશન શરૂ થશે
દેશની ટોપ IIT ઈન્સ્ટિટયૂટમાં પ્રવેશ માટેની જેઈઈ-એડવાન્સને લઈ ગાઈડ લાઈન પ્રસિદ્ધ કરવામાં આવી છે. ચાલુવર્ષે આઇઆઇટી-મદ્રાસ દ્વારા આ પરીક્ષા લેવામાં આવશે. આ પરીક્ષા માટે આગામી તા. 21 એપ્રિલથી ઓનલાઇન રજિસ્ટ્રેશન શરૂ કરવામાં આવશે અને 26મી મેના રોજ પરીક્ષા યોજાશે. પરીક્ષા માટે ગુજરાતમાં કુલ 14 શહેરમાં વ્યવસ્થા ગોઠવવામાં આવશે. ધો.12 પછી ડિગ્રી ઇજનેરીમાં પ્રવેશ માટે પહેલા તબક્કાની જેઇઇ-મેઇન પૂર્ણ કરી દેવામાં આવી છે. આગામી એપ્રિલ માસમાં બીજા તબક્કાની જેઇઇ-મેઇન લેવામાં આવશે. આ પરીક્ષામાં પ્રથમ અઢી લાખમાં સ્થાન મેળવનારા વિદ્યાર્થીઓે જેઇઇ-એડવાન્સ માટે લાયક ગણવામાં આવતાં હોય છે. કેટેગરી મુજબ જોઈએ તો ઓપન કેટેગરીમાં 96187 એટલે કે 101250 વિદ્યાર્થીઓને લાયક ગણવામાં આવશે. આજ રીતે ઇડબલ્યુએસ કેટેગરીમાં 23750 સાથે કુલ 25000 અને ઓબીસીમાં 64125 સાથે 67500 અને એસસી કેટેગરીમાં 35625 સાથે 37500 ઉમેદવારોને જેઇઇ-એડવાન્સ માટે લાયક ગણવામાં આવશે.
