ખાસ-ખબર ન્યૂઝ જૂનાગઢ, તા.9
એક જાગૃત નાગરિક દ્વારા 181 મા કોલ કરીને જણાવેલ કે જૂનાગઢ જિલ્લા ના વિસાવદર તાલુકાના એક ગામ એક કિશોરીના બાળ લગ્ન થઈ રહ્યા છે. જેની ઉમર 17 વર્ષની જ હોય જેથી જૂનાગઢ 181 ટિમ ને જાણ થતા 181 અભયમ ટીમ ના કાઉન્સેલર પ્રિયંકા ચાવડા, મહીલા પોલીસ ઉજાલાબેન ખાણિયા તથા પાઈલોટ રાહુલભાઈ ઘટના સ્થળ પર પહોચ્યા હતા.
કિશોરીનુ કાઉન્સેલિંગ કરી અને તેના ઉમર દસ્તાવેજ તથા કંકોત્રી તપાસ કરતા જાણવા મળ્યું કે કિશોરીની ઉમર 18 વર્ષ કરતા ઓછી હોય તેથી કિશોરી ના પિતાને જણાવેલ કે બાળ લગ્ન એ કાયદાકિય ગુનો બને છે.તેમજ કિશોરી ની ઉમર પુખ્તવયની કાયદાની રિતે માન્ય ન થાય ત્યા સુધી લગ્ન ના કરાવવા જોઈએ તે માટે સમજાવેલ અને બાળ લગ્ન પ્રતિબંધક અધિનિયમ અંગે કિશોરીના પિતાને માહિતગાર કરાયા હતા. જૂનાગઢ અભયમ દ્વારા જિલ્લા બાળ સુરક્ષા એકમ અને નજીકના પોલીસ સ્ટેશનને જાણ કરતા પ્રોબેશન ઓફિસર ડો.કિરણ રામાણી, સોશિયલ વર્કર જયેશ ભાઈ ચાશિયા, ગોહેલ અલ્પાબેન આઉટરિચ વર્કર, વિસાવદર પોલિસ કોનસ્ટેબલ નિર્મળ ભાઈ અને 181અભયમ ટીમ પહોચી હતી. આમ ટીમ ર્વક કરીને લગ્ન અટકાવેલ હોય અને કિશોરીનુ કાઉન્સેલિગ કરતા જણાયુ કે કિશોરીની મરજી વિરુધ્ધ આ લગ્ન થતા હોય જેથી તેને તેના પિતા સાથે રહેવુ ના હોય જેથી કિશોરી ને જૂનાગઢ શિશુમંગલ ખાતે આશ્રય અપાવેલ અને આગળ ની કાર્યવાહી માટે શિશુમંગલને સોપવામાં આવી હતી.
