ગીર સોમનાથ જિલ્લા પોલીસ દ્વારા સ્પોર્ટસ મીટનું આયોજન

જિલ્લા પોલીસના આશરે 350 જેટલા પોલીસ અધિકારી/કર્મચારીઓએ ભાગ લીધો

કોડીનારની અંબૂજા સ્કૂલના મેદાનમાં ઈનડોર-આઉટડોર ગેમ્સ યોજાઈ

વિજેતાઓને જઙ મનોહરસિંહ જાડેજાના હસ્તે ટ્રોફી એનાયત

ખાસ-ખબર સંવાદદાતા
કોડીનારની અંબુજા સ્કૂલના મેદાનમાં ગીર સોમનાથ જીલ્લા પોલીસ દ્વારા તા.05/02/2023 ને રવિવારના રોજ સ્પોર્ટ્સ ઑથોરીટી ઓફ ગુજરાત, સોમનાથ એકેડમી, અંબુજા સ્કૂલ વિગેરે સંસ્થાઓના સહયોગથી ગીર સોમનાથ જીલ્લાના પોલીસ અધિકારી તથા કર્મચારીગણ માટે રમતોત્સવનું આયોજન કરવામાં આવ્યું હતું. રમતોત્સવમાં જિલ્લા પોલીસના આશરે 350 જેટલા પોલીસ અધિકારી/કર્મચારીઓએ ભાગ લીધેલ હતો. માર્ચ પાસ્ટ અને જ્યોત સાથે રમતોત્સવનો વિધિવત પ્રારંભ કર્યો હતો. જેમાં પુરૂષ તથા મહિલા વિભાગમાં 100 મી., 200 મી., 400 મી., 100સ4 રીલે દોડ, ગોળાફેંક, ચક્રફેંક, બરછીફેંક, લોન્ગ જમ્પ, હાઈ જમ્પ, બેડમિન્ટન, ચેસ, વોલીબોલ, કબડ્ડી તથા રસ્સાખેંચ જેવી ઈનડોર તથા આઉટડોર 4 ટીમ ઈવેન્ટ અને 11 એમ કુલ 15 વિવિધ રમતોનો સમાવેશ કરવામાં આવ્યો હતો. જૂનાગઢ રેન્જ આઇ.જી.પી. મયંકસિંહ ચાવડા તથા ગીર સોમનાથ જીલ્લા પોલીસ અધિક્ષક મનોહરસિંહ એન.જાડેજાનાઓના માર્ગદર્શન હેઠળ રમતોત્સવ યોજાયો હતો.

વિજેતાઓને પોલીસ અધિક્ષક મનોહરસિંહ જાડેજા તથા આમંત્રિત મહેમાનોના વરદ હસ્તે મેડલ તથા ટ્રોફીનું વિતરણ કરવામાં આવેલ હતું. રમતોત્સવના અંતે ક્લોઝીંગ સેરીમની દ્વારા પુર્ણાહુતિ કરવામાં આવી હતી.

જૂનાગઢ રેન્જ આઇ.જી. મયંકસિંહ ચાવડા તથા ગીર સોમનાથ જીલ્લા પોલીસ અધિક્ષક મનોહરસિંહ એન.જાડેજાના માર્ગદર્શન હેઠળ ગીર સોમનાથ જીલ્લા પોલીસમાં શરીર તેમજ મનની તંદુરસ્તી જળવાઈ રહે તથા રમત ગમત દ્વારા ખેલદિલીની ભાવનાનો વિકાસ થાય એ હેતુસર સ્પોર્ટ્સ મિટનું (રમતોત્સવ) આયોજન કરવામાં આવ્યું હતું. આ રમતોત્સવને સફળ બનાવવા વી.આર.ખેંગાર, વિભાગીય પોલીસ અધિકારી, વેરાવળ, એમ.યુ.મસી, ઈ.ચા. ના.પો.અધિ. મુખ્ય મથક, એ.એસ.ચાવડા, પો.ઈન્સ., એલ.સી.બી, એ.બી. જાડેજા, ઈ.ચા. પો.ઈન્સ., એસ.ઓ.જી., એ.એમ. મકવાણા, પો.ઈન્સ., કોડીનાર પો.સ્ટે. પ્રો.પી.આઈ. પ્રજાપતિ તથા ઝનકાંત, આર.એસ.આઈ, હેડ ક્વાર્ટરનાઓએ ભારે જહેમત ઉઠાવેલ હતી