આજે શુક્રવારે સોનાના ભાવમાં મોટો ઘટાડો જોવા મળી રહ્યો છે. ઈરાન અને ઇઝરાયલ વચ્ચેના તણાવમાં ઘટાડો થવાને કારણે સોનાની કિંમતમાં પણ ઘટાડો નોંધાયો છે.
શુક્રવારના રોજ, અઠવાડિયાના છેલ્લાં ટ્રેડિંગ દિવસે સોનાં અને ચાંદીના ભાવમાં ભારે ઘટાડો જોવા મળ્યો છે. સ્થાનિક બજારમાં સોનાનો ભાવ શરૂઆતી ટ્રેડિંગ દરમિયાન જ મોટી તીવ્રતાથી ઘટી ગયો હતો. MCX એક્સચેન્જ પર સોનાનો વાયદાનો ભાવ 0.98 ટકાના ઘટાડા સાથે 955 રૂપિયા ઘટી 96,132 રૂપિયા પ્રતિ 10 ગ્રામ પર ટ્રેડ થયો. વૈશ્વિક સ્તરે પણ આવી જ સ્થિતિ રહી. અમેરિકાના કોમેક્સ માર્કેટમાં સોનું $33.20 ઘટીને $3,314.80 પ્રતિ ઔંસ પર ટ્રેડ થયું, જ્યારે ગોલ્ડ સ્પોટ પણ $28.08 ઘટીને $3,299.84 પ્રતિ ઔંસ પર પહોંચ્યું.
- Advertisement -
ઘટાડાનું મુખ્ય કારણ
આ ઘટાડાનું મુખ્ય કારણ ઈરાન અને ઇઝરાયલ વચ્ચેના તણાવમાં થયેલો ઘટાડો છે. જે કારણે સોનું હવે સલામત રોકાણના વિકલ્પ તરીકે નબળું પડતું જણાઈ રહ્યું છે. વૈશ્વિક સ્થિતિમાં સ્થિરતા આવતા રોકાણકારોએ સોનાની ખરીદી ઓછી કરી છે, જેની સીધી અસર તેની કિંમતો પર પડી છે.
ચાંદીના ભાવ
ચાંદીના ભાવમાં પણ અસર જોવા મળી છે. MCX પર ચાંદીનો વાયદો 0.11 ટકાના ઘટાડા સાથે 1,06,629 રૂપિયા પ્રતિ કિલોગ્રામ પર ટ્રેડ થતો જોવા મળ્યો. જ્યારે કોમેક્સ પર ચાંદીનો ભાવ 0.16 ડોલર ઘટીને $36.77 પ્રતિ ઔંસ અને ચાંદીનો સ્પોટ ભાવ 0.19 ડોલર ઘટીને $36.46 પ્રતિ ઔંસ થયો હતો.
- Advertisement -
આ સમગ્ર ઘટાડાનો મુખ્ય સંદર્ભ એ છે કે વૈશ્વિક તણાવ ઘટતાં રોકાણકારોની “સેફ હેવન” એટલે કે સલામત રોકાણ તરીકે સોનાં અને ચાંદીમાં લાગણી ઓછી થઈ છે. પરિણામે, ડિમાન્ડ ઘટી છે અને ભાવ ઘટ્યા છે. આગામી દિવસોમાં વૈશ્વિક આર્થિક પરિસ્થિતિ અને જીઓપોલિટિકલ સમાચાર મુજબ ભાવમાં વધઘટ જોઈ શકાય છે.
