ગિફ્ટ સિટીમાં દારૂની છૂટ: અધિકૃત કર્મચારી-અધિકારીઓ અને મુલાકાતીઓ માટે લેવાયો નિર્ણય

ખાસ-ખબર સંવાદદાતા
ગુજરાત ઈન્ટરનેશનલ ફાઈનાન્સિયલ ટેક સિટી (ૠઈંઋઝ ઈશિું) ખાતે લીકર પરિમિશનને લઈ રાજ્ય સરકારના નશાબંધી અને આબકારી વિભાગ દ્વારા મહત્વનો નિર્ણય લેવામાં આવ્યો છે. જે અંતર્ગત ગિફ્ટ સિટી ખાતે અધિકૃત રીતે કામ કરતા કર્મચારી અને અધિકારી તેમજ ગિફ્ટ સીટીની અધિકૃત રીતે મુલાકાત લેતા મુલાકાતીઓને લીકરના સેવન માટે મુક્તિ આપવામાં આવી છે. ૠઈંઋઝ સિટીએ ગ્લોબલ ફાઇનાન્સીયલ અને ટેકનોલોજીનું હબ છે. જે આર્થિક ગતિવિધિઓથી ધમધમે છે. ગ્લોબલ ઈન્વેસ્ટર, ટેક્નિકલ એક્સપર્ટ તેમજ ગિફ્ટ સિટી ખાતે સ્થપાયેલી નેશનલ ઈન્ટરનેશનલ લેવલની કંપનીઓ માટે ગ્લોબલ બિઝનેસ ઈકોસિસ્ટમ પ્રોવાઈડ કરવાના હેતુથી સમગ્ર ગિફ્ટ સિટીમાં વાઈન એન્ડ ડાઈન ફેસિલિટી ઉપલબ્ધ કરાવવા માટે પ્રોહીબિશનના નિયમોમાં ફેરફાર કરવાનો નિર્ણય લેવામાં આવ્યો છે. આ છૂટછાટ અનુસાર, સમગ્ર ગિફ્ટ સિટીમાં કામ કરતાં તમામ કર્મચારીઓ અને માલિકોને લીકર એક્સેસ પરમિટ આપવામાં આવશે. જેના દ્વારા તેઓ આવી વાઈન એન્ડ ડાઈન આપતી ગિફ્ટ સિટીની હોટલ્સ, રેસ્ટોરન્ટ અને ક્લબમાં લીકરનું સેવન કરી શકશે. આ ઉપરાંત દરેક કંપની જેને ઓથોરાઈઝ્ડ કરે, તેવા મુલાકાતીઓને પણ ટેમ્પરરી પરમિટથી આવી હોટલ્સ, રેસ્ટોરન્ટ અને ક્લબમાં જે-તે કંપનીના કાયમી કર્મચારીની હાજરીમાં લીકરનું સેવન કરવા દેવાની જોગવાઈ કરવામાં આવી છે. આ માટે ૠઈંઋઝ સિટી ખાતે આવેલ હોટલ્સ, રેસ્ટોરન્ટ કે ક્લબ પોતાને ત્યાં વાઈન એન્ડ ડાઈન ફેસિલિટી એટલે કે ઋક-3 પરવાના મેળવી શકશે. જો કે આવી હોટલ, ક્લબ કે રેસ્ટોરન્ટ લીકરની બોટલનું વેચાણ નહીં કરી શકે. આ સમગ્ર પ્રક્રિયામાં નશાબંધી અને આબકારી વિભાગ, ગુજરાત રાજ્ય ૠઈંઋઝ ઈશિું વિસ્તાર ખાતે આવેલ એફ.એલ.3 પરવાના ધરાવતી હોટેલ્સ/રેસ્ટોરેન્ટસ/કલબ દ્વારા કરવામાં આવતા લીકરના આયાત, સંગ્રહ અને તેના દ્વારા પીરસવામાં આવતાં લીકર અંગે દેખરેખ તેમજ નિયંત્રણની કામગીરી કરશે.