જાપાનમાં ફરી એકવાર ભૂકંપના આંચકા અનુભવાયા છે. 5.6ની તીવ્રતાના ભૂકંપને તીવ્રતાને ધ્યાનમાં રાખીને સુનામીનું એલર્ટ જારી કરવામાં આવ્યું છે.
જાપાનની ધરતી ફરી એકવાર ભૂકંપના આંચકાથી ધ્રૂજી ઉઠી છે. આ ભૂકંપની તીવ્રતા એટલી વધારે છે કે સુનામીનું એલર્ટ પણ જારી કરી દેવામાં આવ્યું છે. માહિતી અનુસાર ભૂકંપ બાદ જાપાનની રાજધાની ટોકિયોની દક્ષિણે દૂરના ટાપુઓ પર સુનામીની ચેતવણી પણ જારી કરવામાં આવી છે. જાપાનની હવામાન એજન્સીએ જણાવ્યું કે આજે (મંગળવારે) સવારે લગભગ 5 વાગ્યે ઇઝુ દ્વીપના દરિયાકાંઠાના વિસ્તારોમાં 5.6ની તીવ્રતાનો ભૂકંપ આવ્યો. જેના થોડા સમય બાદ આ વિસ્તારમાં એક મીટર ઊંચા મોજાં ઉછળવાની ચેતવણી જારી કરવામાં આવી હતી. જો કે ભૂકંપના કારણે હજુ સુધી કોઈ નુકસાન કે ઈજાના અહેવાલ નથી.
- Advertisement -
જાપાનના હવામાનશાસ્ત્રીઓએ જણાવ્યા અનુસાર, ભૂકંપ પછી ઓગાસાવારા ટાપુ પર 3.3 ઇંચની સુનામી આવવાની આશંકા વ્યક્ત કરવામાં આવી. જણાવી દઈએ કે જાપાન 4 મોટી ટેક્ટોનિક પ્લેટની ટોચ પર સ્થિત છે. દર વર્ષે અહીં લગભગ 1,500 ભૂકંપ અનુભવાય છે, જેમાંથી મોટા ભાગના નાના હોય છે.
જણાવી દઈએ કે ગયા મહિને જાપાનના ક્યુશુ અને શિકોકુ ટાપુઓ પર ભૂકંપના આંચકા અનુભવાયા હતા, જ્યારે તેની તીવ્રતા રિક્ટર સ્કેલ પર 7.1 માપવામાં આવી હતી. ત્યારે દરિયાકાંઠાના વિસ્તારો મિયાઝાકી, કોચી, ઈહીમે, કાગોશિમા અને આઈતામાં સુનામીની ચેતવણી જારી કરવામાં આવી હતી. ક્યુશુના મિયાઝાકીમાં સમુદ્રના 20 સેમી ઊંચા મોજા જોવા મળ્યા હતા.
ભૂકંપ શા માટે આવે છે?
- Advertisement -
પૃથ્વીની અંદર સાત ટેક્ટોનિક પ્લેટો છે. આ પ્લેટો સતત ફરતી રહે છે. જ્યારે આ પ્લેટો એકબીજા સાથે અથડાય છે, ઘસાય છે. એકબીજા પર ચઢે છે અથવા દૂર જાય છે, ત્યારે જમીન ધ્રુજવા લાગે છે. આને ભૂકંપ કહેવાય છે. ભૂકંપ માપવા માટે રિક્ટર સ્કેલનો ઉપયોગ થાય છે. જેને રિક્ટર મેગ્નિટ્યુડ સ્કેલ કહેવામાં આવે છે.
રિક્ટર મેગ્નિટ્યુડ સ્કેલ 1 થી 9 સુધીનો હોય છે. ભૂકંપની તીવ્રતા તેના કેન્દ્ર એટલે કે એપી સેન્ટર પરથી માપવામાં આવે છે. એટલે કે તે કેન્દ્રમાંથી નીકળતી ઉર્જા આ સ્કેલ પર માપવામાં આવે છે. 1 એટલે ઓછી તીવ્રતાની ઊર્જા બહાર આવી રહી છે. 9 એટલે સૌથી વધુ, ખૂબ જ ભયાનક અને વિનાશક તરંગ, જે દૂર જતાં-જતાં નબળી થતી જાય છે. જો રિક્ટર સ્કેલ પર તીવ્રતા 7 હોય, તો તેની આસપાસ 40 કિલોમીટરની ત્રિજ્યામાં જોરદાર આંચકો આવે છે.
