ફળફળાદિ અને જણસીની આવકમાં બમ્પર વધારો થયો
ખાસ-ખબર ન્યૂઝ જૂનાગઢ, તા.03
- Advertisement -
જૂનાગઢ માર્કેટિંગ યાર્ડમાં દિવસે દિવસે જણસીની અવાકમાં વધારો થતો જાય તેમ તેમ યાર્ડની આવકમાં પણ વધારો જોવા મળી રહ્યો છે યાર્ડના સત્તાધીશો દ્વારા ખેડૂતોનો વિશ્વાસ કેળવી લેતા યાર્ડમાં જણસીની અવાક વધી રહી છે.જેમાં અગાઉના વર્ષ કરતા 2023-24માં 1,145 કરોડ થયું છે આમ 135 કરોડની અવાક વધી છે. યાર્ડના સેક્રેટરી દિવ્યેશભાઈ ગજેરાએ જણાવ્યું હતું કે, વર્ષ 2022-23માં યાર્ડનું ટર્નઓવર 1,010 હતું અને વર્ષ 2023-24માં ગત વર્ષની સરખામણીએ 135 કરોડની ટર્નઓવર વધ્યું છે.જેમાં ફળફળાદી યાર્ડમાં ગત વર્ષે 39.80 લાખની યુઝર ચાર્જની આવક થઇ હતી જે આ વર્ષ 11.94 લાખની વધીને 51.74 લાખની થઇ હતી.ગત વર્ષે 2.75 લાખની કવીન્ટલ જણસીની અવાક થઇ હતી જે આ વર્ષે 18.75 લાખ કવીન્ટલની આવક થઇ છે.જેમાં ગત વર્ષે સોયાબીન, તુવેર, ઘવ, ચણા, અને એરંડાની આવકમાં બમ્પર વધારો જોવા મળ્યો છે.આમ અગાઉના વર્ષો કરતા યાર્ડમાં અત્યાર સુધીમાં મહત્તમ રેકોર્ડ બ્રેક અવાક જોવા મળી છે.