‘કિસીંગ કાંડ’ પછી પણ… ઉદિત નારાયણને હવે જોઈએ છે ‘ભારત રત્ન’
પ્લેબેક સિંગર ઉદિત નારાયણ હાલમાં એક વિવાદીત વિડીયોને કારણે ચર્ચામાં છે. વિડીયોમાં તેઓ એક કરતાં વધુ મહિલા ચાહકોને હોઠ પર કિસ કરતા જોવા મળે છે.
- Advertisement -
આ વિડીયો વાઈરલ થયા બાદ તેમની આ હરકતની ચારે તરફ આલોચના થઈ રહી છે. જો કે હવે ઉદીત નારાયણે આ વિડીયો વિશે સ્પષ્ટતા કરી છે. તેમણે કહ્યું છે કે, આ વિડીયો ‘કાવતરું’ છે. તેમણે દલીલ કરી છે કે આ તેમનો અને તેમના ફેન્સ વચ્ચે પ્રેમ વ્યક્ત કરવાની એક રીત છે અને આ હરકત પાછળ તેમનો કોઈ ખરાબ ઈરાદો નથી.
એક ઈન્ટરવ્યુમાં ઉદીત નારાયણે ભારત રત્ન મેળવવાની ઈચ્છા પણ વ્યક્ત કરી છે. તેમણે જણાવ્યું હતું કે, ‘મને નેશનલ એવોર્ડ, ફિલ્મફેર એવોર્ડ, પદ્મશ્રી અને પદ્મભૂષણ જેવા મોટા એવોર્ડસ મળી ચૂકયા છે; પરંતુ મારું સપનું લતા મંગેશકરની જેમ ભારત રત્ન મેળવવાનું છે; કારણ કે લતા મંગેશકર મારાં પ્રેરણામૂર્તિ છે, મારાં ફેવરિટ સિંગર છે અને હું તેમની પાસેથી હું ઘણું શીખ્યો છું.’