ફેબ્રુઆરી 2022 પછી જૂનાગઢમાં ફરી કોરોનાનાં બે કેસ

જૂનાગઢ શહેરમાં લાંબા સમય બાદ કોરોનાના 2 પોઝિટીવ કેસ નોંધાતા ખળભળાટ મચી જવા પામ્યો છે. આમ, કોરોના રિટર્ન થતા લોકોએ સાવચેત થઇ જવાની જરૂર છેે. આ અંગે મળતી વિગત મુજબ જૂનાગઢ શહેર અને જિલ્લો લાંબા સમયથી કોરોના મુક્ત રહ્યો હતો. જોકે, 26 જૂનના 2 કોરોના પોઝિટીવ કેસ નોંધાતા આરોગ્ય વિભાગમાં પણ દોડધામ મચી જવા પામી છે. જૂનાગઢ જિલ્લામાં છેલ્લે 18 ફેબ્રુઆરીના કેસ નોંધાયો હતો. ત્યાર બાદ કોરોનાનો એકપણ કેસ નોંધાયો ન હતો. જોકે, લાંબા સમય બાદ 26 જૂન 2022ના કોરોના રિટર્ન થયો છે. આમ, જૂનાગઢ શહેરમાં કોરોના પોઝિટીવ 2 કેસ નોંધાયા છેે. બન્ને કોરોના પોઝિટીવ કેસ ફિમેલના છે. આમાં એક મહિલા છે જેણે કોરોનાની રસીનાં બન્ને ડોઝ લીધા હતા. જ્યારે બીજો કેસમાં એક બાળકી છે.