સેવાવાળા, હંમેશા દેવાવાળા… ડેલાવાળા

સરગમ કલબના સુકાની અને સૌના માનીતા એવા
ગુણવંતભાઈ ડેલાવાળાનો આવતીકાલે જન્મદિવસ

છેલ્લા 42 વર્ષમાં સરગમના નેજા હેઠળ જુદીજુદી 51 જેટલી સેવાકીય પ્રવૃતિ હાથ ધરીને ગુણુભાઇએ રેકોર્ડ સ્થાપ્યો
ખાસ-ખબર ન્યૂઝ રાજકોટ

રાજકોટમાં સેવા પ્રવૃત્તિ થકી આકાશી ઊંચાઈને આંબનારી સંસ્થા સરગમ કલબના સુકાની અને સૌના માનીતા એવા ગુણવંતભાઈ ડેલાવાળાનો તા. 13 સપ્ટેમ્બરે જન્મદિવસ છે. તા.13-9-1954ના રોજ જન્મેલા ગુણવંતભાઈ જીવનના 70 વર્ષ પૂર્ણ કરી 71મા વર્ષમાં પ્રવેશ કરી રહ્યા છે. સરગમ કલબના પ્રમુખ પદે રહીને તેમણે સફળતાના અનેક શિખરો સર કર્યા છે. છેલ્લા 42 વર્ષમાં સરગમના નેજા હેઠળ જુદીજુદી 51 જેટલી સેવાકીય પ્રવૃતિ હાથ ધરીને તેમણે રેકોર્ડ સ્થાપ્યો છે. સરગમ પરિવાર 16 હજારથી વધુ મેમ્બર ધરાવે છે.

ગુણવંતભાઈ ડેલાવાળાએ સેવાના અનેક ક્ષેત્રમાં ઝંપલાવ્યું છે અને સરગમ કલબના જુદાજુદા 51 પ્રકલ્પોના માધ્યમી સેવાકીય પ્રવૃત્તિઓ પ્રવૃતિઓ કરી રહ્યા છે. ગુણવંતભાઈ દ્વારા હેમુગઢવી નાટય ગૃહ,) મુકિતધામ, ઇન્ડોર સ્ટેડિયમ,, ઇવનિગ પોસ્ટ, તુવાન 6 આરોગ્ય સેન્ટર સંકુલના સંચાલન ઉપરાંત અનીલજ્ઞાન મંદીર કપલ ક્લબ જેન્ટસ, લેડીઝ, બાળકો અને સિનિયર સીટીઝનો માટે વિવિધ પ્રવૃત્તિ કરે છે. તેમની આ સેવા પ્રવૃતિનો દર વર્ષે લાખો લોકો લાભ લઇ રહયા છે. તેમની સેવાની નોંધ રેકોર્ડ બુકમાં પણ લેવામાં આવી છે. તેઓ 59 વર્ષથી આર.એસ.એસ.ના સ્વયં સેવક છે અને 58 વર્ષથી જનસંઘ તથા ભાજપના નિષ્ઠાવાન કાર્યકર્તા છે. તેઓ રૂડાના ચેરમેન, ભાજપની કારોબારીના આમંત્રિત સભ્ય, વિજય કોમર્શીયલ બેન્કના ડાયરેકટર તેમજ ગુજરાત અર્બન લાઇવલીહુડ મિશનના ડાયરેકટર ઉપરાંત કેન્દ્ર સરકારના કાપડ મંત્રાલય હેઠળના કોપેરિશનમાં ડાયરેકટર જેવા હોદ્દાઓ ભોગવી ચૂકયા છે. સૌરાષ્ટ્રના વૈષ્ણવ સમાજમાં આગળ પડતું સ્થાન ધરાવતા ગુણવંતભાઈ ડેલાવાળા 22 વર્ષથી વિજય કોમર્શિયલ બેંકમાં ડાયરેકટર તરીકે પણ સેવા આપે છે. ગુજરાત ફૂટબોલ એસો.ના ઉપપ્રમુખ પણ છે.

મેટલ એસોસીએશન ઉપરાંત સમસ્ત ગુજરાત કંસારા સમાજના માજી પ્રમુખ તથા શહેરની અનેક જાણીતી સંસ્થાઓ, સંગઠનો સાથે સક્રિય પણે જોડાયેલા ગુણવંતભાઈ ડેલાવાળા તેમના બહોળા મિત્ર વર્તુળ અને સંપર્ક સેતુ માટે જાણીતા છે. તાજેતરમાં જ ઇન્ડિયન સિનેમા બીઝનેસ એવોર્ડ-2024નાં આયોજક મુંબઈની પ્રેમ કલા એકેડમી દ્વારા સન્માન પણ કરવામાં આવ્યું હતું. ગુણવંતભાઈ તમામ પક્ષ સાથે સારા સબધં ધરાવે છે. વડાપ્રધાન નરેન્દ્રભાઈ મોદી, કર્ણાટકના પૂર્વ રાજયપાલ વજુભાઈ વાળા અને પૂર્વ મુખ્યમંત્રી વિજયભાઈ રૂપાણી સાથે પણ તેઓને અંગત પરિચય છે. આ ઉપરાંત તંત્રીઓ-પત્રકારો અને ધર્મગુરૂઓ સાથે પણ આત્મીયતા ધરાવે છે. તેમણે 51થી વધુ વિદેશ પ્રવાસ કર્યા છે. તેમના જન્મદિવસ નિમિત્તે અનેક લોકો તેમને 98240 40889 ઉપર શુભકામના પાઠવી રહ્યા છે.