કેજરીવાલની ધરપકડને લઈ વિરોધ: રાજકોટથી લઈને રાજ્યભરમાં સૂત્રોચ્ચાર બાદ રસ્તો રોક્યો

રાજકોટના કિસાનપરા ચોક ખાતે AAPના કાર્યકરોનો ભાજપ-મોદી વિરોધી સૂત્રોચ્ચાર

ખાસ-ખબર ન્યૂઝ રાજકોટ, તા.22

દિલ્હીના મુખ્યમંત્રી અને આમ આદમી પાર્ટીના સંયોજક અરવિંદ કેજરીવાલની ઇડી દ્વારા ગતરોજ ધરપકડ કરવામાં આવી હતી. આજે સમગ્ર દેશમાં આ મામલે વિરોધ પ્રદર્શન કરવામાં આવી રહ્યું છે. ત્યારે સુરતમાં આમ આદમી પાર્ટી અને કોંગ્રેસ દ્વારા વરાછાની મિની બજાર ખાતે વિરોધ પ્રદર્શન કરવામાં આવ્યું હતું. જેને પગલે વિરોધ કરી રહેલા 20થી વધુ આપ અને કોંગ્રેસના નેતાઓની ટીંગાટોળી સાથે અટકાયત કરી લેવામાં આવી હતી. આ સાથે વિરોધમાં જોડાયેલા કોંગ્રેસના લોકસભા ચૂંટણીના ઉમેદવારની પણ અટકાયત કરાઇ હતી. જોકે રાજકોટના કિસાનપરા ચોક ખાતે આમ આદમી પાર્ટીએ ઉગ્ર વિરોધ કર્યો છે. ટ્રાફિકથી વ્યસ્ત આ ચોક પર શરૂઆતમાં નારેબાજી બાદ રસ્તો રોકી દેવામાં આવતા પોલીસે ટીંગાટોળી કરી 40થી વધુ કાર્યકરોની અટકાયત કરી હતી. અમદાવાદમાં પણ આમ આદમી પાર્ટીના કાર્યકર્તાઓ અને ગુજરાત પ્રદેશ પ્રમુખ ઇસુદાન ગઢવીની વિરોધ મામલે ધરપકડ કરવામાં આવી છે.

આમ આદમી પાર્ટીના અધ્યક્ષ અને દિલ્હીના મુખ્યમંત્રી અરવિંદ કેજરીવાલની લિકર કાંડમાં ઊઉ દ્વારા અટકાયત કરવામાં આવતા દેશભરમાં આમ આદમી પાર્ટીના કાર્યકરોમાં ભારે રોષ ફાટી નીકળ્યો હતો. જેને પગલે આજે સવારે રાજકોટના કિસાનપરા ચોક ખાતે મોટી સંખ્યામાં આમ આદમી પાર્ટીના કાર્યકરો એકત્ર થયા હતા અને ‘મોદી હાય હાય’, ’ભાજપ તેરી તાનાશાહી નહીં ચલેગી નહીં ચલેગી’ ઉપરાંત ’જબ જબ મોદી ડરતા હૈ, ઊઉ કો આગે કરતા હૈ’ આ પ્રકારના નારા લગાવવામાં આવ્યા હતા. ત્યાર બાદ કાર્યકરો રસ્તો રોકવા જઈ રહ્યા હતા ત્યારે પોલીસે તેમને અટકાવ્યા હતા અને તે દરમિયાન પોલીસ અને કાર્યકરો વચ્ચે ઘર્ષણ શરૂ થયું હતું. દિલ્હીના સીએમ અરવિંદ કેજરીવાલની 21 માર્ચની સાંજે ઊઉ દ્વારા દારૂ નીતિ કેસમાં સીએમ આવાસથી ધરપકડ કરવામાં આવી હતી. કેજરીવાલે ઊઉ લોકઅપમાં રાત વિતાવી.